web counter
LEXO PA REKLAMA!

SHKARKO APP

App Store
Google Play

Balluku zbulon "sekretin"/ Pse investitorët e huaj duhet të vijnë në Shqipëri

4 Prill 2023, 14:56, Politikë CNA
Balluku zbulon "sekretin"/ Pse investitorët e huaj duhet të
Belinda Balluku

Zëvëndëskryeministrja dhe njëherësh ministrja e Infrastrukturës dhe Energjisë, Belinda Balluku, ka zbuluar “sekretin” përse investitorët e huaj duhet të vijnë në Shqipëri.

Në fjalën e mbajtur ditën e sotme në Konventën Ndërkombëtare të Turizmit, Balluku tha se është puna e qeverisë dhe plotësimi i kërkesave të investitorëve ajo që i ka shtyrë ata të zgjedhin Shqipërinë.

Balluku zbuloi se kriteret që janë vendosur nga investitorët e huaj kundrejt Shqipërisë janë transparenca, loja e drejtë, si dhe korsia e shpejtë.

“Qeveria shqiptare ka nisur prej 2013 të zbatojë disa paketa shumë të rëndësishme ligjore të cilat synojnë zhvillimin ekonomik dhe turistik. Në të ardhmen do të bëjmë edhe më mirë sepse e kemi përvojën e krijuar sakaq. Kemi partnerë të mirë dhe mbështetës të mirë. Në 2016 ne hartuam një paketë të rënë ligjore që kishte të bënte me turizmin, në 2016 i kushtuam të gjithë energjinë dhe forcat tona industrisë automobiliste dhe atë të energjisë së rinovueshme, të cilat janë shndërruar në një nga shtyllat me të rëndësishme të ekonomisë. Pse investitorët e huaj duhet të vijnë në Shqipëri? Ata duhet të vijnë sepse kjo qeveri u ka plotësuar atyre  kërkesat kryesore. Në momentin kur mora postin e ministres së Infrastrukturës, një nga kërkesat kryesore nga investitorët ishte transparenca, rregullat e drejta të lojës, si dhe ajo që quhet korsia e shpejtë. Ata më thoshin që kur shkon në Gjermani për të marrë një projekt na duhen gjashtë-shtatë vite për ta konfirmuar, por kur vijmë në Shqipëri nuk e dimë çfarë ndodh, ne pranojmë shumë shpejtë. Për energjinë e rinovueshme po kryejmë ankande dhe po kryejmë një proces transparent që i japin mundësi çdo investitori që të garojnë”, tha ajo./CNA.al





Lajmet e fundit nga