web counter
LEXO PA REKLAMA!

SHKARKO APP

App Store
Google Play

Xhaferri: Qeverisja e socialistëve ka vjedhur remitancat e atyre që largoi me kamionë e gomone

19 Tetor 2025, 21:54, Politikë CNA

Xhaferri: Qeverisja e socialistëve ka vjedhur remitancat e atyre që

Deputeti demokrat, Besart Xhaferri është shprehur sot se përgjatë viteve të qeverisjes të socialistëve, programi ekonomik i tyre ka vjedhur remitancat e emigratëve shqiptar.

Përmes një postimi në rrjetet sociale, Xhaferri akuzon se janë vjedhur kursimet e atyre që qeveria i detyroi të largohen me kamionë e gomone.

 “Atyre që i detyruat të largohen me kamionë e gomone, u vodhët edhe remitancat që u dërgonin prindërve!

Kam qenë student në Angli kur nisi vala e madhe e eksodit shqiptar drejt Britanisë, eksod që e zbrazi atdheun tonë nga aseti më i madh, rinia.

Ndaj, në fjalën time të parë në Parlament, u ndala të flas për ata të rinj që i detyruat të merrnin para me fajde për të paguar kamionin ose gomonen drejt Anglisë, teksa kjo ëndërr u ka kushtuar shumë prej tyre edhe jetën.

Pasi i larguat nga ky vend, ishit aq të guximshëm sa, pasi u vodhët rininë, nisët t’u vidhnit edhe kursimet përmes projektit tuaj të “amnistisë”, ndërsa përmes programit ekonomik të pastrimit të parave  të drogës në ndërtim, u vodhët edhe remitancat që ata çonin për prindërit.

Më të njëjtin zell që u vodhët  ëndrrat dhe remitancat u grabitët dhe votat nën urdhërat e  të vetëshpallurit “Komandant Zarfi”, Taulant Ballës që orkestroi masakrën me votën e diasporës”,-shkruan Xhaferri./CNA

 

 

 

 

 





Lajmet e fundit nga