web counter
LEXO PA REKLAMA!

SHKARKO APP

App Store
Google Play

Xhafaj fushatë me drejtorin e 5D/ Këlliçi: Do duhej të ishte në burg, SPAK të veprojë

24 Mars 2025, 19:49, Politikë CNA

Xhafaj fushatë me drejtorin e 5D/ Këlliçi: Do duhej të

CNA pak më parë raportoi se si Fatmir Xhafaj bën fushatë me drejtorin e 5D Enton Punavija në njësinë numër 10 të kryeqytetit.

Drejtuesi politik i PD-së për Tiranën, Belind Këlliçi ka reaguar duke thënë se ky është një ndikim i paligjshëm zgjedhor në mes të Tiranës ku drejtori 5D del në krah të fushatës së Xhafajt.

Këlliçi shkruan se Punavija do të duhej të ishte subjekt i burgut, por shfaqet si ushtrues i ndikimit mbi zgjedhësit.

Partia Demokratike i bën thirrje SPAK-ut të veprojë ndaj këtyre shokëve të qelisë dhe fushatës së Veliajt.

“Fushatë 5D, për deputetin 5D!  SPAK shpalli një muaj më parë me bujë të madhe Task Forcën për zgjedhjet e 11 Majit!

Deri më sot kam denoncuar 3 raste flagrante të shtrimit të asfaltit elektoral në lagjet e Tiranës, pa asnjë tabelë informuese dhe pa asnjë informacion dhe nga SPAK ka patur heshtje totale!!!

Ja ku është një tjetër rast flagrant i ndikimit të paligjshëm zgjedhor, në mes të Tiranës në Njësinë nr.10, ku drejtori 5D Enton Punavija, del në krah të fushatës së Fatmir Xhafajt.

Një person që do duhej të ishte subjekt i burgut, për shkak të vjedhjes së buxhetit të Bashkisë Tiranë, bëhet ushtrues i ndikimit mbi zgjedhësit.

Partia Demokratike i bën thirrje SPAK-ut të veprojë ndaj këtyre shokëve të qelisë dhe fushatës së Veliajt.

Pëndryshe, të na rrojë Task Forca!!!”, shkruan Këlliçi./ CNA

 





Lajmet e fundit nga