E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

“Ulim çmimin e karburanteve dhe vendosim lehtësira fiskale”/ Berisha ndan synimet e planit ekonomik të PD-së

24 Mars 2025, 13:01, Politikë CNA

“Ulim çmimin e karburanteve dhe vendosim lehtësira

Kreu i Partisë Demokratike, Sali Berisha, u ndal sot te një pjesë e planit ekonomik të PD-së. Në një deklaratë për median, Berisha theksoi se PD synon uljen në çmime e taksa ndaj karburanteve, duke premtuar një ndryshim me 10%.

Berisha tha se do të bëhet gjithçka për digjitalizimin më të plotë të veprimtarisë së bizneseve.

Berisha deklaroi se ekonomia informale do të përgjysmohet.

Sa u përket investimeve, Berisha tha se do të vendosen lehtësira e stimuj fiskalë dhe mbështetje financiare për investitorët nën moshën 35 vjeç.

Berisha premtoi se studentët dhe profesionistët do të mbështeten çdo vit me grante 5-30 mijë euro për startup-et që do të fillojnë.

“Bie taksa ‘Rama’ e karburantit dhe karburantet nuk do të shiten në Shqipëri me një çmim që ndryshon +-10% nga ai i Kosovës dhe Maqedonisë.

Do të reduktohet 4 herë inspektimi nga inspektorë të ndryshëm në biznese, 4 herë.

Do të bëhet gjithçka për digjitalizimin më të plotë të veprimtarisë së bizneseve.

Do të thjeshtohet në maksimum legjislacioni fiskal, për të siguruar qëndrueshmëri të kodit dhe ligjeve fiskale.

Do anulohen të gjitha lehtësirat fiskale të dhëna nga ligje dhe vendime preferenciale, të porositura nga familjarë dhe oligarkë të qeveritarëve.

Paguajnë taksën 6%, në një kohë kur qytetari e paguan TVSH 20%.

Ligji për investimet strategjike, siç është nuk do të ekzistojë. Korporata e Investimeve Strategjike, korporata e korrupsionit më të madh në histori, merr fund javën e parë të qeverisë së PD dhe aleatëve.

Do të rishikohet në total sistemi aktual i gjobave dhe ndëshkimeve armiqësore ndaj biznesit.

TVSH do të rimbursohet në kohë reale dhe nuk do të jetë më diskrecion ministror.

Do të ngrihet menjëherë bordi i cili do të përcaktojë kompensimin e pasojave që vijnë nga ndryshimi i kursit të këmbimit, në mbrojtje të sipërmarrësve dhe prodhimit vendas, pasi narkoeuro është shndërruar në një shpallë demokleu për to dhe ata do të kompensohen.

Ekonomia informale do të përgjysmohet.

Objektivi afatmesëm për të ardhurat buxhetore do të jetë 30%.

Në programin e sipërmarrjes janë disa kategori që do të kenë trajtim të veçantë.

Këta janë të rinjtë, gratë dhe diaspora. Zero sigurime shoqërore dhe shëndetësore për 12 muaj, për punësimin e parë të të rinjve nga sipërmarrësi gjer në moshën 25-vjeçare.

Gjithashtu përjashtim nga pagesa e tatimit mbi të ardhurat deri në moshën 25-vjeçare.

Stimuj fiskalë dhe mbështetje financiare për investitorët nën moshën 35 vjeç.

Studentët, profesionistët do të mbështeten çdo vit me grante 5-30 mijë euro për startup-et që do të fillojnë.

Do të hiqet barra e tatim-fitimit për gratë që hapin një biznes dhe subvencionohen sigurimet shoqërore dhe shëndetësore për to dhe stafin e tyre, me kushtin që të paktën gjysma e të punësuarve të jenë gra e vajza, ose të rinj deri në moshën 30 vjeç”,-tha Berisha./CNA