web counter
LEXO PA REKLAMA!

SHKARKO APP

App Store
Google Play

E fundit!

x

“Vitin e parë do të mbyllen të gjitha plagët e krijuara nga tërmeti”/ Berisha: Majlinda bëhu gati, do shkosh te Veliaj

2 Maj 2025, 20:51, Politikë CNA

“Vitin e parë do të mbyllen të gjitha plagët e

Kryetari i Partisë Demokratike, Sali Berisha ishte në një takim me elektoratin në Kurbin, ku u ndal dhe te pasojat e tërmetit.

Berisha tha se sot nuk ka asnjë përgjegjës për pasojat që la tërmeti në Kurbin. Gjithashtu kryedemokrati u zotua se në vitin e parë të qeverisjes së PD do të mbyllen të gjitha plagët e lëna nga tërmeti.

Më tej, Berisha deklaroi se kryebashkiakja Majlindja Cara do të shkarkohet menjëherë dhe së bashku me Emirjana Sakon do të shkojnë në qeli.

“Sot nuk ka asnjë përgjegjës. Të gjithë ishin klani i Edi Ramës, ministra, zyrtarë. Jam këtu për t’u zotuar para jush se vitin e parë do të mbyllen të gjitha plagët e krijuara nga tërmeti në të gjithë territorin. Kurbinit dhe çdo rrethi tjetër do t’i kthehen të gjitha institucionet siç i kanë pasur përpara reformës famëzezë të Edi Ramës. Largimi i shërbimeve është gjobitje ndaj jush. Kjo merr fund. Ajo që do shkarkohet menjëherë, Majlinda bëhu gati. I them këtu para jush se do duhet të punojë ose të ketë vite burgu të paktën, për rrogat që paguhen për ata në Spanjë e Dubai. Majlinda bashkë me Sakon e Durrësit do shkoni te Veliaj, atje e keni vendin. Ky program nuk synon pushtet, por synon t’u kthejë paratë e taksave çdo shqiptari”, tha Berisha./ CNA





Lajmet e fundit nga