web counter
LEXO PA REKLAMA!

SHKARKO APP

App Store
Google Play

E fundit!

x

Video - Takimi i fshehtë/ Basha “kapet mat” me Taulant Ballën

10 Maj 2023, 21:59, Politikë CNA

Video - Takimi i fshehtë/ Basha “kapet mat” me Taulant

S’ka më dilema. Marrëveshja mes Lulzim Bashës, që vijon të mbajë peng vulën e PD-së dhe Taulant Ballës është faktuar në një video të publikuar mbrëmjen e sotme në Syri Tv.

Në pamje shihet momenti kur Basha dhe Balla mbërrijnë në një apartament që figuron pronë e një bashkëpunëtoreje e përbashkët e dyshes. 

Është ora 18:04 minuta e pasdites së 3 dhjetorit të 2022 kur Lulzim Basha mbërrin në pallatin ku janë takuar me një automjet tip "Jeep" me targa AA 751 MO, makinë e njërës prej bashkëpunëtoreve të tij dhe jo e tij, ndoshta për të shmangur rënien në sy.

Takimi është zhvilluar në kulmin e debatit për zhvillimet në PD, për vulën e demokratëve dhe më pas Apeli mori vendimin që ta kthente edhe një herë në shkallën e parë.

Në orën 18:04 minuta, Lulzim Basha futet në banesën e caktuar për takimin, ndërsa në orën18:27 minuta, mbërrin edhe Taulant Balla.

Kreu i grupit të PS largohet i pari, nga banesa ku u mbajt takimi, në orën 19:26 minuta, duke marrë ashensorin.

Ndërsa në orën 19:45 minuta, është Lulzim Basha ai që largohet nga apartamenti i mikes së tij, duke zbritur shkallët në këmbë dhe me vrap.  

Ky takim, qëllimi i të cilit nuk dihet se kush ka qenë, afera politike apo tenderash, ka zgjatur plot 55 minuta. Kaq kohë ka mjaftuar që Lulzim Basha të qepë gojën dhe të mos denoncojë asnjë nga aferat e qeverisë, e duke u bërë marionetë e kësaj të fundit.

Opozita, e cila duhet të jetë “arma” më e fortë kundër qeverisë, gjatë drejtimit nga Lulzim Basha ka qenë thjesht dhe vetëm një patericë. Sa herë qe Lulzim Basha ose të tijët denonconin një aferë, tërheqja e tyre më pas ishte e menjëhershme, duke lënë shumë kauza në mes.

Lulzim Basha ishte ai që nga Kuvendi denoncoi asokohe eurot që do vinin në portin e Durrësit me Toyota Yaris, tre ditë para se ato të kapeshin nga policia e për të cilat akuzonte drejtpërdrejt Taulant Ballën si pritësin. Por papritur, Basha i harroj këto përfshirje dhe nuk i përmendi më. As Taulant Ballën, e asnjë nga socialistët të cilët janë në vitin e 10-të të qeverisjes.

Dukshëm, me pamjet e publikuara sot, kuptohet që qeveria e ka blerë Lulzim Bashën, dhe kërkojnë me çdo ngulm që ky i fundit të mbajë peng PD, duke i lënë vulën dhe logon. E tashmë që në fushëbetejë ka dalë lideri historik i demokratëve, Rama mundohet ta shmangë e të mos e njohë, pasi nuk i ka dhënë vulën e logon, ndonëse ka të gjithë demokratët me vete. Qeveria i trembet një opozite të fortë e ndaj “leva Basha” iu intereson për vazhdimin e pazareve./ CNA.al





Lajmet e fundit nga