web counter
LEXO PA REKLAMA!

SHKARKO APP

App Store
Google Play

E fundit!

x

Berisha mbyll fushatën për Durrësin/ Nuk ndal akuzat për ndërtimin e portit

10 Maj 2023, 20:47, Politikë CNA
Berisha mbyll fushatën për Durrësin/ Nuk ndal akuzat për
Kreu i koalicionit “Bashkë Fitojmë”, Sali Berisha

Këtë të mërkurë, kreu i koalicionit “Bashkë Fitojmë”, Sali Berisha ka zhvilluar takimin e tij të fundit me qytetarët e Durrësit, Shijakut dhe Kavajës.

Berisha hodhi sërish akuza në lidhje me ndërtimin e portit të Durrësit. Ai pretendon se me këtë projekt kryeministri Edi Rama po kërkon të realizojë ëndrrën e tij për tu bërë miliardër.

Kryedemokrati e cilësoi projektin e Ramës si pushtimin më të egër që nuk e kanë bërë as 2700 pushtues.

“Durrësi që me portin e vet begatonte qytetin dhe vendin, po pëson pushtimin më të egër. 2700 asnjë pushtues nuk ia preku Portin Durrësit, nuk ia preku rrugën e frymëmarrjes. Edi Rama për të realizuar ëndrrën e tij arabe prej miliarderi do ta na e shndërrojë Durrësin në Dubai. Unë nuk jam racist, kam respekt për kombet dhe qytetërimin, por ata që krijuan doktrinën tonë kombëtare, shkruajtën se për ne dielli lind nga Perëndimi.

Ndaj dhe Durrësi do të mbetet gjithmonë syri i Perëndimit për kombin shqiptar. Edi Rama me një babëzi të papërmbajtur, ka vendosur të realizojë ëndrrën e tij të bëhet miliarder si Alabbari duke plaçkitur tokë të shqiptarëve. Miqtë e mi më 14 maj përballe idealistët e Durrësit të Shqipërisë që besojnë se liritë dhe të drejtat e njeriut dhe që besojnë se pushteti në një dorë është tragjedi kombëtare”, theksoi ai./ CNA.al





Lajmet e fundit nga