web counter
LEXO PA REKLAMA!

SHKARKO APP

App Store
Google Play

Rehabilitimi i Liqenit të Thatë, në duart e të afërmve të Qatos/ Këlliçi: Nga 6 muaj e zgjati 3 vjet

10 Maj 2023, 16:48, Politikë CNA
Rehabilitimi i Liqenit të Thatë, në duart e të afërmve
Kandidati i koalicionit “Bashkë Fitojmë” për Tiranën, Belind Këlliçi

Kandidati i koalicionit “Bashkë Fitojmë” për Tiranën, Belind Këlliçi denoncoi përsëri kreun e IMT-së, Mariglen Qato gjatë një takimi me qytetarët në zonën e Liqenit të Thatë.

Këlliçi tha se tenderi për punimet për rehabilitimin e Liqenit të Thatë, ishin fituar nga kompania “5D Konstruksion”, e të afërmëve të Mariglen Qatos.

Ndërkohë qytetarët u shprehën se punimet nisën tre vjet më parë dhe kishin afat për të përfunduar 6 muaj, por ende sot pas tre vjetësh, ato nuk janë mbyllur.

“Është tabela që është vendosur prej tre vjetësh për punimet rreth liqenit. E ka pasur afatin 6 muaj, edhe sot është e papërfunduar. Këtu është bërë ky projekti, i cili është tenderuar e ka fituar firma e famshme “5D Konstruksion”. Pak a shumë këtë quajnë rehabilitimin, ka arritur deri te pjesa ku është pallati që është ndërtuar, deri te cepi atje ku fillon hoteli dhe deri te cepi tjetër këtu”, deklaruan disa qytetarë.

Nga ana tjetër, Belind Këlliçi u shpreh: “O shife, qenka Mariglen Qato, opa, se prandaj nuk bëhen projektet. Opa Marigleni, doli Marigleni. I bëjmë thirrje Mariglen Qatos, t`u thotë atyre të “5D-s”, që janë bërë tre vjet. E ka pasur 6 muaj kur ka vjedhur lekët, janë bërë tre vjet. Prandaj nuk vejnë datë dhe gënjejnë, se thonë e kemi vënë tani. Jemi i vetmi kryeqytet në botë, që për tre vjet kemi ndryshuar tre herë planin rregullues. Një plan që normalisht nuk ndërron në 20 vjet. Pra kur bëhet një herë nuk ndërron në 20 vjet. Ne e kemi ndërruar tre herë në tre vite. Llogariteni vetë arsyen”./ CNA.al





Lajmet e fundit nga