web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i Biden për të birin/ Berisha: Shfrytëzim pushteti

2 Dhjetor 2024, 13:06, Politikë CNA

Vendimi i Biden për të birin/ Berisha: Shfrytëzim pushteti

Kreu i PD-së, Sali Berisha, ka komentuar vendimin e Presidentit në detyrë të SHBA-së, Joe Biden, për të falur të birin, Hunter Biden.

Lideri i opozitës u shpreh se vendimi i tij është shfrytëzim pushteti për qëllime familjare.

“E kam jo të lehtë të komentoj në këtë rast. Pse? Mendoj se e majta ekstremiste amerikane, marksiste-leniniste, e keqpërdori në shkallë të pamëshirë presidentin Xho Bajden, i cili në bindjen time më të thellë, nuk i përkiste asaj të majte, por përfaqësonte traditën e Partisë Demokrate.

Dhe, po flas haptas, mënyra se si e trajtuan ishte një cinizëm, pamëshirësi dhe që nuk u bënte nder kurrë atyre që e bënë atë. Ai punonte në një mjedis, i rrethuar në të gjitha anët, me këshilltarë, me bashkëpunëtorë, dhe pasi bëri primaret në të gjithë vendin dhe mori 16 milionë vota në atë procedurë, i bënë një kurth me një debat dhe thanë tani ti nuk bën.

Unë nuk hyj në vlerësime, por procedura ishte shumë e pafisshme. Nuk kishe pse t'ia bëje ti atë. Dhe e zëvendësuan me një njeri, nuk e njoh, por një gjë kishte, një njeri që nuk guxoi të dalë njëherë në konferencë shtypi dhe kjo ishte gjëja më e tmerrshme. Se si kjo elitë e botës, servirnin një njeri që nuk bënte konferencë të hapur shtypi. E kuptoni ju?

Tani, në këtë kontekst, sigurisht vendimi i tij është shfrytëzim pushteti për qëllime familjare. Nuk e justifikoj unë këtë, por ata e denigruan presidentin e SHBA-së. Ata u treguan, në vlerësimin tim, një elitë e shkëputur tërësisht nga qytetarët, nga realiteti.

Dhe në këtë shkallë, sepse ai ka një karrierë 50-vjeçare politike dhe pa skandale, por ai ka qenë një politikan që i ka shërbyer vendit të tij. Ata e denigruan. Në këtë mjedis që e katandisën, ai mori një veprim që nuk duhet ta merrte, por përsëri kompleksi i rrethanave ishte shumë i padenjë për ata që i krijuan.

Dhe i krijoi të gjitha këto e majta marksiste-leniniste amerikane.

Gabimi fatal i jetës së tij ishte kompromisi që bëri me ta duke pranuar përfaqësuesit e Sanders dhe Okazios si zëvendëspresidente, nuk duhej ta bënte, ishte partia e Ruzveltit, e Kenedit. Dhe e pagoi këtë që bëri, këtë vendim që mori për të pranuar një marksist-leniniste, se e zëvendësoi, e pagoi.

E pa mirë se çfarë përfaqësoi”, tha Berisha./ CNA





Lajmet e fundit nga