E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Shpërthimi në kanalin e ujit/ Rama: Krim i rëndë, BE të normalizojë marëdhëniet Kosovë-Serbi

30 Nëntor 2024, 10:25, Politikë CNA

Shpërthimi në kanalin e ujit/ Rama: Krim i rëndë, BE të

Kryeministri Edi Rama

Kryeministri Edi Rama ka reaguar pas shpërthimit në kanalin e ujit të Ibër-Lepencit në fshatin Varragë.

Rama shkruan se ky sulm është një krim i rëndë që cënon jetën e qytetarëve të Kosovës dhe godet procesin e normalizimit të marrëdhënieve në rajonin tonë.

Në reagimin e tij në “X” Rama theksoi se kjo ngjarje duhet të zbardhet dhe të ndëshkohet me mbështetjen e partnerëve ndërkombëtarë.

Po ashtu, Rama ka bërë thirrje që çështjet e dialogut të kalojnë përmes marrëdhënieve bilaterale të BE-së me Kosovën apo Serbinë.

"Akti i sabotazhit mbi infrastrukturën kritike të furnizimit me ujë në kanalin e Ibër Lepencit është një krim i rëndë, i cili cënon jetën e qytetarëve të Kosovës dhe godet procesin e normalizimit të marrëdhënieve në rajonin tonë, ku të gjitha shtetet janë të përfshira në rrugën e integrimit në Bashkimin Europian. Kjo goditje kriminale duhet zbardhur e ndëshkuar sa më parë me mbështetjen e partnerëve ndërkombëtarë. Ndërkohë Bashkimi Europian duhet të heqë menjëherë sanksionet e mbetura ndaj Kosovës dhe të riangazhohet në një format të ri dialogu për normalizim mes Kosovës dhe Serbisë. Formati ekzistues ka dështuar të prodhojë rezultatet e dëshiruara dhe është koha që çështjet e dialogut të kalojnë përmes marrëdhënieve bilaterale të BE-së me Kosovën apo Serbinë, si dy shtete njësoj të pavarura prej njëra-tjetrës, ku fati europian i secilit shtet s’mund të varet nga dëshirat a mosdëshirat e shtetit tjetër; ashtu sikundër fati europian i krejt rajonit s’mund të varet nga mosnjohja e Kosovës nga Serbia apo 5 shtete anëtare të BE-së," shkruan ndër të tjera Edi Rama.

Shpërthimi në kanalin e ujit/ Rama: Krim i rëndë, BE të

Shpërthimi mbrëmjen e së premtes shkaktoi dëme të konsiderueshme në kanalin e ujit në fshatin Varragë të komunës së Zubin Potokut. Nga kanali furnizohen me ujë disa qytete të vendit përmes Liqenit të Ujmanit si dhe Korporata Energjetike e Kosovës për ftohjen e termoelektranave të saj.

Për këtë ngjarje, kryeministri i Kosovës, Albin Kurti akuzoi Serbinë për sulm kriminal dhe terrorist me synimin që të dëmtojë një nga infrastrukturat më të rëndësishme të vendit./CNA