E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Basha "zgjohet" në drekë, flet “përçart”: Pas zgjedhjeve do t'i jap fund politikës së Ramës

1 Dhjetor 2024, 13:37, Politikë CNA

Lulzim Basha

Luli Basha është "zgjuar" sot në drekë për të folur për sulmin në Zubin Potok në kanalin e ujit Ibër-Lepenc.

Gjatë një interviste televizive, Luli Basha u shpreh se Rama para se të reagonte sa për sy e faqe duhet të shikonte amendamentin e tij që ia ka propozuar që në janar dhe që e ka mbajtur në sirtar.

Luli Basha ndonëse nuk është shfaqur asnjë ditë në parlament, as kur u diskutua buxheti për vitin 2025, thotë se pas zgjedhjeve të ardhshme do të flasë me vepra.

Basha flet "përçart nga përgjumja" dhe rreh gjoksin duke thënë se do t’i japë fund shfaqjes me maska që politika e Ramës të marrë fund.

Pyetja që na lind natyrshëm është se si Basha pa parti do të nxjerrë nga skena politike kryeministrin e tri mandateve Edi Ramën? Kur nuk arriti ta bënte për 10 vite në opozitë, çfarë mund të bëjë këtë herë Basha i braktisur nga të gjithë ushtarët e tij besnikë?

“Zoti Rama duhet të nxjerrë nga sirtari propozimin që ka aty, prej 18 janarit të këtij viti. Propozimin tim për të amenduar buxhetin e shtetit, këtë buxhet me 7.2 miliardë euro shpenzime dhe buxhetet e ardhshme, për një gjest, por jo vetëm gjest politik, që është ndihma financiare për mbrojtjen e Kosovës prej 50 milionë eurosh në vit. Çlirimi i këtij amendamenti të buxhetit, alokimin e këtyre fondeve në ndihmë ushtarake për Republikën e Kosovës, është në radhë të parë një ndihmë shumë e nevojshme dhe e mirëpritur për Kosovën. Dhe në radhë të dytë, një gjest i fortë që tregon se Shqipëria, anëtare e NATO-s, nuk do të rrijë duarkryq, apo të luajë rolin e një komentatori sportiv sa herë që Beogradi, për interesa të brendshme apo i përdorur nga Moska, dëshiron t’i fryjë zjarrit të destabilizimit në Kosovë. Pra, Shqipëria duhet të flasë me vepra. Sa më takon mua, pas zgjedhjeve të ardhshme do të flas me vepra, do t’i jap fund kësaj shfaqjeje me maska që politika zyrtare e zotit Rama ka marrë fund”, tha Basha./ CNA