E fundit!

21:44 Kronika

Të shtënat në Elbasan/ Policia jep detaje për ngjarjen

Mësohen detaje të reja lidhur me ngjarjen e ndodhur mbrëmj...

Veliaj, me tone të ashpra ndaj Metës dhe Berishës/ Shqipërisë, i kanë marrë gjithçka pa i dhënë asgjë

5 Maj 2023, 18:56, Politikë CNA

Veliaj, me tone të ashpra ndaj Metës dhe Berishës/

Kandidati i PS-së për Bashkinë e Tiranës Erion Veliaj, gjatë një takimi elektoral me banorë të njësive 1, 2 dhe 3 në Tiranë ka shigjetuar kreun e koalicionit Bashkë Fitojmë Sali Berishën dhe kreun e PL-së Ilir Meta.

Veliaj u është drejtuar demokratëve duke u kërkuar të bëjnë një reflektim mbi opozitarizmin e Berishës dhe Metës duke thënë se ata nuk kanë prioritare problemet e njerëzve.

“Sali Berisha nuk shkon dot deri në Rinas sepse ka një hall të madh. Është ‘non-grata’. Pyetja për demokratët është: Pse halli i Saliut duhet të jetë halli yt? Ilir Meta ka gjithashtu një hall të madh. Ilir Meta sot është spiun i sigurimit, fuksi lagjes, 20-lekëshi që shkonte spiunonte shokët kush shikonte televizionet e huaja, kush shante te radha e qumështit e mishit aty te Lumja, kush ishte te tolloni dhe ankohej. Është bashkuar sigurimsi, fuksi i lagjes, me një ish-komunist të diskretituar dhe janë sot në hall. Për demokratët thirrja është: Mendo për hallet e tua. Ilir Meta me Saliun shkojnë në Gjirin e Lalzit çdo natë, nuk kanë hallet tona. Kur ishte hera e fundit që e patë Saliun te një çerdhe, te një kopësht, te një shkollë? Kur ishte hera e fundit që e patë Ilir Metën te një çerdhe, te një kopësht, te një shkollë?” u shpreh Veliaj.

Kryebashkiaku ka thumbuar retorikën e koalicionit Bashkë Fitojmë mbi kapitalin ekonmik të tejfryrë për ndërtimin e shkollave duke përmendurvilat që dy opozitarët posedojnë në Lalëz sipas tij.

“Kanë një vit që zihen me Amerikën, kanë një muaj që zihen me pemët dhe kanë një javë që zihen me artistët sepse i kanë braktisur të gjithë. I dëgjova kur po thoshin për shkollat: “Ndërtohen me 60 euro m2 në Europë”, thanë, “këto shkollat si shkolla ‘Kosova’, ‘Sami Frashëri’, qenkan shumë të shtrenjta”. Unë ju bëra një propozim: “Nëse bëhen me 60 euro metri katrorë, na i shisni vilat në Lalz për 60 euro metri katrorë, t’i blejmë që të çojmë aty gjyshërit, gjyshet, fëmijët, ata që kanë nevoja sociale, t’i përdorim për banesa sociale”. Por, vilat e tyre ata nuk i shesin, vilat e tyre ata nuk i ndërrojnë, vilat e tyre ata i shijojnë sepse Shqipëria ju ka dhënë atyre gjëra që ne të tjerëve nuk na i ka dhënë. I ka bërë presidentë, i ka bërë kryeministra, i ka pasur tërë jetën deputetë. Shqipërisë ata i kanë marrë gjithçka pa i dhënë asgjë. Ndërkohë, ky komunitet i ka dhënë Shqipërisë gjithçka, dashuri, pasion, punë, ndaj dhe familja jonë është e madhe dhe ka vendosur që të ecë përpara”, u shpreh ai./CNA.al