web counter
LEXO PA REKLAMA!

SHKARKO APP

App Store
Google Play

Veliaj me 13 akuza për 5 vepra penale/ Rama: Unë akoma s'e di çfarë ka bërë

30 Dhjetor 2025, 14:06, Politikë CNA

Veliaj me 13 akuza për 5 vepra penale/ Rama: Unë akoma s'e di

Kryeministri Edi Rama në konferencën me gazetarët u pyet edhe për situatën në Bashkinë e Tiranës sa i përket drejtimit.

Duke u ndalur te kryebashkiaku i arrestuar me 13 akuza për 5 vepra të rënda penale, Rama vijoi sërish mbrojtjen ndaj Veliajt duke thënë se ende nuk e di çfarë ka bërë Erion Veliaj.

Madje tha se nuk ka parë korrupsion të kryer nga Veliaj.

Rama tha se ai vetë bëri një tentativë për të zgjedhur një tjetër kryebashkiak, por Gjykata Kushtetuese tha se Tirana ka një kryebashkiak. Më tej Rama tha që Veliaj të lirohet dhe të bëjë detyrën.

 

 

“I kyçur në qeli pa gjyq. Ndërkohë vazhdon kërkimi i provave. Unë akoma s'e kam marrë vesh çfarë ka bërë konkretisht. Korrupsion në kuptimin e fjalës korrupsion nuk kam parë. Çdo qytetar, i cili nuk është pjesë e organizatave kriminale dhe nuk flas për grup të strukturuar, këta janë tjetër gjë dhe natyrisht për rrezikshmërinë ka shumë më tepër arsye për të menduar se paraburgimi është gjëja e duhur. Përjashto rastet e veprave të rënda, përfshirë korrupsionin në flagrancë, të gjitha rastet e tjera duhet të jenë shumë të argumentuara. Kryeqyteti merr fund me kryetarin e bashkisë në burg, pa gjyq, pa gjë. Çfarë do të bëjmë deri në zgjedhje? Ka edhe një vit e gjysmë. Unë e bëra një provë t’i jepja Tiranës kryetar bashkie, nuk funksionoi. Kushtetuesja tha e ka kryetarin. Ta nxjerrin kryetarin e bashkisë të shkojë të bëjë detyrën. Nëse gjendet fajtor të vuajë dënimin”, tha Rama.





Lajmet e fundit nga