web counter
LEXO PA REKLAMA!

SHKARKO APP

App Store
Google Play

"Viti parashikohet të mbyllet me një rritje ekonomike 3.9%"/ Rama zhvillon konferencën e fundvitit

30 Dhjetor 2025, 11:13, Politikë CNA

"Viti parashikohet të mbyllet me një rritje ekonomike 3.9%"/

Kryeministri Edi Rama po zhvillon ditën e sotme konferencën e fundvitit me gazetarët. Rama e ka nisur fjalën e tij me sektorin e ekonomisë, ku tha se janë shënuar të dhëna pozitive.

Ai u shpreh se viti parashikohet të mbyllet me një rritje ekonomike prej 3.9%. Kreu i qeverisë ka folur gjithashtu edhe për rritjen e pensioneve për vitin e ardhshëm.

“Jemi në një vit që në aspektin e ekonomisë është nga më të mirët, me të dhëna pozitive dhe parashikohet të mbyllet me një rritje ekonomike 3,9%. Një rritje mjaft domethënëse. Bizneset e reja janë shtuar me afro 11%. Investimet e huaja kanë pasur një rritje mbi 10%. Stoku i investimeve të huaja është domethënës. Paga mesatare ka rezultuar 833 euro. Duke filluar nga janari pensionet do të rriten përtej indeksimit. Indeksimi nuk është rritje e pensionit. Rritja që ne do të bëjmë do të jetë domethënëse vit pas viti. Pensioni urban do të rritet me 18 mijë lekë në muaj. Pensioni urban i pjessshëm do të rritet me 8 mijë lekë në muaj.

Kemi të dhëna pozitive dhe në arsimin profesional ku kemi arritur në afro 20%, duke shënuar një rezultat të ri pozitiv. E rëndësishsme të theksohet se punësueshmëria e nxënësve të arsimit profesional është shumë e lartë. Buxheti për arsimin profesional është rritur ndjeshëm këtë vit dhe do të rritet edhe më shumë vitin e ardhshëm”, u shpreh Rama./ CNA





Lajmet e fundit nga