web counter
LEXO PA REKLAMA!

SHKARKO APP

App Store
Google Play

E fundit!

x

“Merrni shembull nga Kosova”/ Murrizi-kryetarëve të partive: Boll na çatë tr*pin me pazare

29 Dhjetor 2025, 16:41, Politikë CNA

“Merrni shembull nga Kosova”/ Murrizi-kryetarëve të

Ish-deputeti Myslim Murrizi ka kritikuar ashpër krerët e partive politike në vend.

Përmes një postimi në rrjetet sociale, Murrizi ka ndarë një vlerësim të situatës mes partive politike në Kosovë, që i konsideron si shembull për Shqipërinë.

Murrizi shton se edhe politikanët shqiptarë duhet të përqafojnë Kodin Zgjedhor të Kosovës dhe të mos përfshihen në pazare të ulëta partiake.

“Kosova, vendi me demokraci për t’u pasur zili nga jo pak vende të Evropës.

Kosova është modeli brilant i proceseve zgjedhore, me një Kod Zgjedhor superdemokratik, ku vota e sovranit ka vlerë dhe zgjedh përfaqësuesit e tij.

Në orën 19:00 u mbyll procesi i votimit.
Në orën 22:00 u shpall rezultati dhe menjëherë fituesi filloi festën, ndërsa humbësit pranuan rezultatin e votës së qytetarëve dhe deklaruan se mbajnë përgjegjësi për humbjen, duke konsideruar dorëheqjen si institucion demokratik.

Gjatë gjithë ditës nuk pati asnjë incident dhe asnjë individ apo kontigjent kriminal nuk erdhi vërdallë, si qen rrugësh, siç ndodh në çdo palë zgjedhje në Shqipëri, me makina të blinduara e xhama të zinj për presion apo për blerje votash.

Çdo votë u numërua në qendrën e votimit për rreth 3 orë dhe jo në qendrat e grumbullimit, siç ndodh në Shqipëri, ku vazhdoi numërimi dhe rinumërimi për 3 muaj rresht, për të krijuar qëllimisht konfuzion dhe për t’u dhënë mundësi zagareve numërues të vjedhin vota.

Një administrim procesi korrekt nga një komision zgjedhor pa fëlliqësira si KAS apo “rregullatorë” halesh, siç ka Shqipëria, që nxjerrin rregulla pasi ka mbaruar votimi.

Dhe pse Kosova bën zgjedhje të lira, demokratike, pa probleme dhe pa kontestime, ndërsa Shqipëria nuk bën dot as votime?

Sepse Kosova nuk ka kryetarë partish qelbësira e hale, që duan me çdo kusht të kenë në Parlament secili tufën e vet të qelbanikëve, pa vota dhe pa i votuar askush, por të emëruar me firmën e hale-kryetarëve që prej vitit 2009.

Ju të degjeneruar, anëtarë të mender Komisionit të Reformës Zgjedhore, që caktoni “ekspertë leshi” vetëm për t’i paguar nga taksat e shqiptarëve, boll na hapët barkun duke shpikur lloj-lloj maskarallëqesh, që surrati juaj fundërrinë të jetë deputet pa vota.

Merrni Kodin Zgjedhor të Kosovës dhe keni marrë modelin më të mirë në Evropë për procesin zgjedhor, si themeli i një demokracie funksionale.

Edhe ju, kryetarë partish, boll na çatë trapin me pazare mes qensh, që na i shisni si konsensus vetëm për interesat tuaja prej qelbanikësh”,-shkruan Murrizi./CNA





Lajmet e fundit nga