web counter
LEXO PA REKLAMA!

SHKARKO APP

App Store
Google Play

Çështja “Balluku”/ Rama: Që kur mbi bazë mesazhesh bëhen gjyqe?

30 Dhjetor 2025, 12:32, Politikë CNA

Çështja “Balluku”/ Rama: Që kur mbi bazë

Kryeministri Edi Rama është pyetur në konferencën e fundvitit për hetimet ndaj zëvendëskryeministres Belinda Balluku.

Rama tha se gjyqet nuk mund të bëhen në bazë mesazhesh, ndërsa shtoi se këta të fundit mund të jenë pjesë e procesit hetimor.

Ai foli edhe për dënimin e Fran Tucit, ish-kryebashkiakut të Fushë-Arrëzit, ku tha se bëri burg për prerjen e disa pemëve.

“Kryetari i bashkisë së Fushë-Arrëzit, Fran Tuci, ka hapur një rrugë për komunitetin ku janë prerë disa pemë. Dhe për këtë ka bërë burg. Jo se të presësh pemë nuk është, por ky rast është turp. Ka raste të tjera që lidhen me pabarazinë në tenderë. Patjetër parashikohet si vepër penale.

Por që kur mbi bazë mesazhesh bëhen gjyqe? Patjetër që mesazhet janë pjesë e një procesi, por e përfytyroni vetëm sa përgjegjësi kanë pjesëmarrësit në këto gjyqet e shtrigave kur dikush të dalë i pafajshëm. Për çfarë i duhet pavarësia kur i është shkatërruar totalisht jeta dhe familja. Unë nuk fajësoj mediat për këtë, por ata që i ushqejnë me këtë helm. Deri tani kemi një numër të dënuarish, shumë të ulët në raport me rastet. Kemi procese shumë të zvarritura dhe kemi dhe Strasburgun që ka evidentuar gjëra shumë të rënda. Nuk mund të bëhet kap e përplas njerëz nga një mur te tjetri e çorodit njerëz”, tha Rama. /CNA





Lajmet e fundit nga