web counter
LEXO PA REKLAMA!

SHKARKO APP

App Store
Google Play

E fundit!

x

“Veliaj, kopje e shpifur e Ramës”/ Berisha: PS, avokati ndaj hajdutit

13 Shkurt 2025, 14:39, Politikë CNA
“Veliaj, kopje e shpifur e Ramës”/ Berisha: PS, avokati ndaj
Kreu i PD, Sali Berisha

Kreu i PD-së, Sali Berisha, në një deklaratë jashtë Parlamentit është shprehur se halli i vetëm i mazhorancës sot ishte avokatia ndaj një hajduti të shpifur, referuar Veliajt. Berisha tha se kryebashkiaku është një kopje e shëmtuar e Ramës dhe kryeministri është një hajdut shumëfish më i madh se Veliaj.

“Të ndërpresin diskutimet dhe të kalojnë në votim pa diskutime. Po shfrytëzojmë në vend të platformës së parlamentit, oborrin e parlamentit për të paraqitur, për të denoncuar të vërtetat.

Ndryshimet e kodit ne do t'i votojmë sepse kanë të bëjnë me votën e emigrantëve dhe sigurisht që del e qartë si kristali se Edi Rama konstaton se ajo votë është kundër tij dhe se po bën gjithçka për ta bllokuar.

Por ne votojmë, kurrë nën censurë. Censura është e papranueshme.

Ju e patë sot, çështje kryesore për socialistët nuk ishte vota, problemet e qytetarëve, por avokatia ndaj një hajduti të shpifur, që Shqipëria përveç Edi Ramës nuk ka pasur një si ai.

Erion Veliaj të cilin tani përpiqen ta shfajësojnë, për të cilin janë vërsulur me tërbim me të gjithë egërsinë e tyre, atyre që vendosën arrestimin e tij, ndërkohë kur sot Edi Rama sot fliste për torturën.

Por nëse është torturuar publikisht në historinë e Shqipërisë dhe diktaturës komuniste, është torturuar publikisht me urdhër të Ramës, ish-presidenti, ish-kryeministri, ish-kryeparlamentari Ilir Meta.

Kurse sipas Edi Ramës, Erion Veliaj, qenka burgosur në mënyrë të paligjshme, antikushtetuese dhe të gjitha këto me hallin e vetëm se garderoba e Velicës ngjet shumë me garderobën e Ramicës.

Se vjedhjet dhe favoret që Erion Veliaj ka pasur me lejet e ndërtimit, janë të pakrahasueshme me vjedhjet dhe favoret që Edi Rama ia nxjerrë me lejet e ndërtimit. Se vjedhjet e Ramës dhe tenderët që ka dhënë për favore janë të  pakrahasueshme me ato që ka dhënë Rama, p.sh.; ndërtuesi i pallatit në pajë, ka marrë 100 e ca milionë euro tenderë nga qeveria e Ramës.

Se vërtetë Arbri, vëllai i Erionit, është një hajdut si vëllai i madh, por nuk është më pak baxhanaku. Baxhanaku i Edi Ramës është një peshkaqen shumëfishi i Arbrit në tenderë. E ka shndërruar AKSHI-n në kopshtin e familjes Rama.

Se vërtetë Rama përpiqet me çdo kusht të mbyllë mikrofonët e parlamentit, sepse aty do të dilnin të gjitha të dhënat në të cilat del se Erion Veliaj është një kopje e shpifur e Ramës.

Edi Rama është në të gjitha aspektet një shumëfish në hajni i Erion Veliajt.

Është e vërtetë që Veliaj ka bërë favore të mëdha Arbrit, por favore më të mëdha i ka bërë Rama, Olsit.

Është e vërtetë që ato eurot 500 mbajnë erë trafiku e droge, por ishin dhe të mykura, por është e vërtetë se Xibraka e ka pudrosur në mënyrë përfundimtare para opinionit shqiptar dhe ndërkombëtar, Olsin dhe Ramën.

Është e vërtetë se Lali vjedhësi ka udhëtuar me charter, por e vërteta është se ai ka udhëtuar 10 herë më pak se Rama. Pra Rama ka udhëtuar me charter 10 herë më shumë dhe ato chartera janë shoqëruar të gjithë me leje ndërtimi.

Është e vërtetë se Erion Veliaj ka bërë udhëtime, vakanca, por detokset si Edi Rama me 10 mijë euro hotelin nuk i ka bërë kush tjetër në Shqipëri.

Pra të gjitha këto kanë vetëm një qëllim, të shmangin ngjashmërinë që krijojnë Veliaj me Ramën para publikut shqiptar”, tha Berisha./ CNA





Lajmet e fundit nga