web counter
LEXO PA REKLAMA!

SHKARKO APP

App Store
Google Play

Veliaj i përgjigjet Metës: Ke nostalgji për Tiranën e “fuksave”

12 Gusht 2022, 13:07, Politikë CNA

Veliaj i përgjigjet Metës: Ke nostalgji për Tiranën e

Kryebashkiaku i Tiranës, Erion Veliaj, ka reaguar sërish pas postimit të ish-presidentit Ilir Meta, ku ky i fundit kishte publikuar një foto të Tiranës në vitin 1981 dhe një foto të vitit 2021.

Akuzave të Metës se e ka bërë Tiranën të pajetueshme, Veliaj i është përgjigjur gjatë një inspektimi në shkollën “Bashkim Fino” në kryeqytet. Veliaj theksoi se është racizëm banal që të thuash që kjo Tiranë po na mbyt dhe po na mbingarkohet.

“E di që ka nga ata që e quajnë veten 'çuna të Pazarit' dhe kanë nostalgji për Tiranën e fuksave duke e ngatërruar Tiranën me Kabulin, por fakti është ky, që siç erdhën këta nga qytetet e tjera dhe ndërtuan jetën në Tiranë ku lindëm ne, ashtu kjo Tiranë do ofrohet edhe për studentët që janë këtu, të cilët 9 nga 10, sipas statistikave, nuk kthehen më në qytetet e tyre; 9 nga 10 do vijnë në Tiranë, 9 nga 10 do gjejnë një punë në Tiranë, do krijojnë një familje në Tiranë dhe do të sjellin fëmijët te kjo shkollë.

Është pa sens jo vetëm të krahasosh Tiranën me Kabulin dhe ta bësh me dashje këtë kur ke hallet e 'Sigurimit', po është racizëm banal që të thuash që kjo Tiranë po na mbyt, po na mbingarkohet, kur vetë je histori suksesi, je bërë edhe kryeministër edhe president, i ke pasur të gjithë të mirat e kësaj bote prej kësaj Tirane, që u hap për ty dhe do të hapet edhe për të gjithë të tjerët që do të vijnë, sepse është destini i Tiranës”, ka thënë Veliaj./CNA.al





Lajmet e fundit nga