web counter
LEXO PA REKLAMA!

SHKARKO APP

App Store
Google Play

E fundit!

x

Ulja e numrit të deputetëve/ Politologu Krasniqi: Rama ndoqi kritikat, ka pak rëndësi loja e emrave

12 Shtator 2025, 22:01, Politikë CNA

Ulja e numrit të deputetëve/ Politologu Krasniqi: Rama ndoqi kritikat,

Politologu Afrim Krasniqi tha se ulja e numrit të deputetëve, nga 140 në 101, siç u propozua nga kryeministri Edi Rama, tregon se po i bashkohet opinionit kritik.

I ftuar në A2CNN, Krasniqi u shpreh edhe lidhur me emërimet dhe shkarkimet për kabinetit, teksa shpjegoi se loja e emrave nuk ka shumë rëndësi.

“Pjesa që më pëlqeu ishte ajo para ministrave. Ndoshta, kryeministri duke i njohur edhe mirë problematikat, ai përmendi disa problematika që mendoj se janë shumë të rëndësishme. Edhe mua më pëlqeu ideja e shkurtimit të numrit të deputetëve, jo thjesht për ta thënë si numër dhe si batutë, pasi kjo është kërkuar vite me radhë dhe ai e ka refuzuar, por tashmë i bashkohet opinionit kritik.

Ai bëri një analizë të shumë problematikave të vendit, përfshirë edhe të territorit, të parlamentit, të qeverisjes, të cilat i shkojnë gjuhës së opozitës dhe i mungojnë gjuhës së opozitës. Kështu që pjesa e parë më la shije pozitive.

Ndërkohë, pjesa e dytë në një vend ku ka një kryeministër dhe ka individë që emërohen dhe shkarkohen, nuk ka shumë rëndësi loja e emrave”, tha Krasniqi./CNA 

 

 





Lajmet e fundit nga