web counter
LEXO PA REKLAMA!

SHKARKO APP

App Store
Google Play

“I duhet një ndryshim radikal”/ Arben Malaj: PD, agresive që në seancën e parë plenare

12 Shtator 2025, 15:37, Politikë CNA

“I duhet një ndryshim radikal”/ Arben Malaj: PD, agresive

Ish-ministri i Financave, Arben Malaj, komentoi sot lidhur me situatën e Partisë Demokratike, në këtë nisje të sesioneve parlamentare.

Në një dalje televizive, Malaj tha se PD ka zgjedhur agresivitetin që në seancën e parë.

Malaj u shpreh se PD-së i duhet një ndryshim radikal, që të mund të zgjerojë mbështetjen publike, por edhe të bëhet më konkurruese.

“Te PD shqetësimi im i parë është agresiviteti. Duket që ka zgjedhur që në seancën e parë një kopje të keqe. Në këtë aspekt ata kanë nevojë për një ndryshim radikal. Nëse nuk arrijnë të zgjerojnë mbështetjen publike, që nuk është e lehtë, por nuk është e pamundur, nëse nuk zgjerohen në tërësinë e tyre, të përfaqësuesve, të politikave, të mbështetjeve, të aleancave brenda dhe jashtë vendit, nëse nuk lind një grup besnikësh, nuk besoj që do të ketë një zhvillim pozitiv në politikën shqiptare. Kështu që ndryshimi më i madh pritet nga opozita që të bëhet më konkurruese, më efektive dhe më e dobishme. Por, një ndryshim thelbësor në një ambient politik aktiv, i takon mazhorancës. Pra duhet të mbajë një qasje sa më të butë në çdo acarim institucional”,- tha Malaj./CNA





Lajmet e fundit nga