web counter
LEXO PA REKLAMA!

SHKARKO APP

App Store
Google Play

Ulërima e Veliajt/ Rama tërheq ‘zvarrë’ administratën në shesh

20 Shkurt 2025, 11:30, Politikë REDAKSIONALE
Ulërima e Veliajt/ Rama tërheq ‘zvarrë’
Foto nga përgatitjet te sheshi "Skenderbej"

Pas mesditës, jashtë orarit zyrtar të punës, në shesh do të mblidhen punonjësit e bashkisë, drejtorët, për të na treguar se sa “punë të mira” paskan bërë në Tiranë.

Në fakt, atë punë kanë, të bëjnë punën sepse paguhen me taksat e qytetarëve. Punë e mirë do të ishte të mos i vidhnin qytetarët, të mos abuzonin me lekët e qytetarëve.

Do të na tregojnë shkollat, kopshtet, çerdhet, rrugët që janë bërë me paratë e qytetarëve, banorëve, taksapaguesve të Tiranës, por nuk do të na tregojnë dot inceneratorin e Tiranës, nuk do të na thonë dot se drejtorët e bashkisë janë në burg të kapur si hajdutë xhepash në flagrancë, nuk do të mund të na tregojnë dot se si humbi jetën Ardit Gjoklaj dhe krimi u tentua të fshihej.

Nuk do të na tregojnë dot se si me dhunë merren dhe nxirret në shesh administrata në shkelje të ligjit. Nuk do të na tregojnë dot se si në orar të punës në mënyrë të përsëritur shumë zyrtarë të Bashkisë së Tiranës shkojnë e protestojnë në SPAK, ku të duan si të duan dhe sa herë të duan thjesht dhe vetëm se i thërret ulërima e një hajduti të korruptuar që veshjet e gruas së tij kushtojnë 860 mijë euro.

Ndërkohë shumë prej atyre që do të protestojnë atje mund të jenë të ndershëm se me rrogën që kanë mezi mbyllin muajin, por duhet të shkojnë të protestojnë në mbrojtje të hajdutit, i cili drejton bashkinë ku ata punojnë, që u jep lëmoshën, ku në fakt janë qytetarët që i paguajnë të gjitha përfshirë dhe hajdutin, i cili nga një ruajtës taksash u kthye në xhepistin e qytetarëve të Tiranës./ CNA





Lajmet e fundit nga