web counter
LEXO PA REKLAMA!

SHKARKO APP

App Store
Google Play

Denoncimi i PD-së/ Bardhi: Shpërndarje e paligjshme e legalizimeve në Elbasan

20 Shkurt 2025, 10:58, Politikë CNA

Denoncimi i PD-së/ Bardhi: Shpërndarje e paligjshme e legalizimeve

Koordinatorja për Departamentet në PD, Silvi Bardhi, ka bërë një denoncim për qarkun e Elbasanit, ku sipas saj po shpërndahen leje legalizimesh nga Partia Socialiste. Bardhi ka publikuar një formular, që po shpërndahet nga administratorët e njësive të qeverisjes vendore.

Koordinatorja për Departamentet në PD tha se shpërndarja e këtyre formularëve është e parregullt, pasi po shpërndahet pa leje legalizimi, me genplane dhe skica.

 

Denoncimi i PD-së/ Bardhi: Shpërndarje e paligjshme e legalizimeve
Formulari i publikuar nga Silvi Bardhi

 

Deklarata e Silvi Bardhit

Rilindja pasi ka lënë në varfëri qytetarët e Elbasanit kërkon t'i blejë sërish me mashtrime në fund të mandatit të saj të fundit qeverisës. Partia Socialiste e ka bërë rrugë që në çdo periudhë fushate të shpërndajë favore nën dorë ose edhe në sy të miliona shqiptarëve, duke shkelur hapur ligjin. Rasti të cilin denoncojmë sot ka të bëjë me shpërndarjen e legalizimeve në qarkun Elbasan. Dokumenti të cilin shihni po shpërndahet nga administratorët e njësive të qeverisjes vendore, të cilët posedojnë listat e vetëdeklarimeve duke u shkuar derë më derë aplikantëve me njoftime ose duke i ofruar legalizime.

Si ky njoftim për legalizime ka shpërndarë me dhjetëra ASHK Elbasan prej mesit të janarit e deri sot. Gjë e cila ndalohet me ligj në periudhë katërmujore të afatit të datës së zgjedhjeve. Denoncimi që na vjen thekson se këto njoftime janë të pashoqëruara me leje legalizimi, me genplane dhe skica. Qytetarët të cilët kërkojnë të aplikojnë u thonë se mjaftohen vetëm me këtë njoftim për të marrë tapitë e pronave të tyre, ndërkohë që ky njoftim duhet të jetë i shoqëruar me lejen fizike të legalizimit. Kërkojmë nga organet ligjzbatuese të verifikojnë numrin e protokollit të njoftimit, kohën e njoftimit dhe kohën kur janë prodhuar dhe nënshkruar lejet e legalizimit për këto raste.

Dyshimet tona janë se këto njoftime për procesin e legalizimeve në Qarkun Elbasan po përdoren për qëllime të drejtpërdrejta elektorale. I bëjmë thirrje Komisionit Shtetëror të Zgjedhjeve, të cilët u kanë kujtuar institucioneve të shtetit se 4 muaj para zgjedhjeve nuk lejohet shpërndarja e lejeve të legalizimit. U bëjmë thirrje qytetarëve të Elbasanit, të mos manipulohen nga mashtrimet e kësaj qeverie e cila prej 12 vitesh i ka lënë në kushte mjerane, varfërie, pamundësie dhe përuljeje. Favoret e çastit janë thjesht një mashtrim i radhës për t'ju lënë sërish në kushte mbijetese, shtypëse dhe nënshtrimi. Partia Demokratike do të jetë në krahun tuaj duke ju ofruar të gjithë ndihmën për denoncime dhe zgjidhje të problemeve që ju janë shkaktuar 12 vitet e "Rilindjes"./ CNA





Lajmet e fundit nga