web counter
LEXO PA REKLAMA!

SHKARKO APP

App Store
Google Play

Topalli nga Rrësheni, thirrje për bashkim dhe rrëzimin e regjimit të Ramës

10 Prill 2024, 17:57, Politikë CNA
Topalli nga Rrësheni, thirrje për bashkim dhe rrëzimin e regjimit
Jozefina Topalli

Drejtuesja politike e Partisë Demokratike për qarkun e Lezhës, Jozefina Topalli në një takim me demokratët e Rrëshenit, ditën e sotme u shpreh se tashmë ne shqiptarët po jetojmë nën qeverisjen “5D”.

Duke iu referuar aferës “5D” me drejtorët e korruptuar të Erion Veliajt, Topalli tha se ne po jetojmë në republikën e drejtorëve që kanë statusin e hajdutit.

“Ne jetojmë në qeverisjen “5D”, republikën e drejtorëve që kanë statusin e hajdutit, në republikën e grabitjes.

Në jetojmë në një vend, krejt të ndryshëm nga ai që ka qenë para vitit 2013.

Ne jetojmë në një vend ku kanë rënë të gjitha kolonat e shtetit, ka rënë drejtësia, shëndetësia, dhe shpresa.

Drejtorët e mëdhenj të policisë janë bashkëpunëtorët më të ngushtë të vrasësve.

Ka vetëm një zgjidhje, që ashtu siç rezistohet aty tek rruga e Shpresës, tek rruga e Sali Berishës, ashtu të guxojmë dhe të ngrihemi.”

Topalli gjithashtu vuri theksin tek bashkimi i demokratëve, si e vetmja mundësi për të rrëzuar regjimin.

“Për këdo që mendon se është shumë e vështirë të rrëzosh këtë regjim, ai gabon rëndë. Mjafton që të jemi të bashkuar dhe të fortë.

Të kemi më shumë kurajo, ta kthejmë rezistencën në forcë, dhe të jemi të gjithë bashkë.”, u shpreh Topalli. / CNA





Lajmet e fundit nga