web counter
LEXO PA REKLAMA!

SHKARKO APP

App Store
Google Play

Robert Papa: Rama e mbrojti Veliajn se i dinë sekrete njëri-tjetrit

10 Prill 2024, 17:12, Politikë CNA
Robert Papa: Rama e mbrojti Veliajn se i dinë sekrete njëri-tjetrit
Edi Rama dhe Erion Veliaj

Gazetari Robert Papa i ka cilësuar qeverinë e Edi Ramës dhe Bashkinë e Tiranës si organizatë kriminale mafioze, teksa komentoi arrestimet e drejtorëve për dosjen “5D”.

Papa tha në edicionin e lajmeve në Mcn Tv se drejtorët nuk mund të vjedhin drejtorët pa lejen e kryetarit të bashkisë, ndaj kryebashkiaku Erion Veliaj nuk shpëton dot nga kjo aferë.

Ai deklaroi se Veliaj është shkatërruar politikisht, por ka mbështetjen e kryeministrit Edi Rama pasi pretendoi se ata i dinë sekrete njëri-tjetrit.

“Drejtësia ndikohet në Shqipëri, por kjo tregon që Rama, qeveria, bashkia, veprojnë si organizatë kriminale mafioze. Njerëz mediokër pa asnjë vlerë, pa asnjë të kaluar, arrijnë përmes pervesiteteve, mbështetur nga lobingje të huaja për të marrë një post kaq të madh. Këtë skemë do ta kishte zili edhe Tano Karidi. Nuk ka asnjë shans të vjedhin drejtorët pa lejen e kryetarit të bashkisë. SPAK ka mbështetjen amerikane. Veliaj s’i shpëton dot kësaj, politikisht është shkatërruar. Është i frikësuar a do ta shesin drejtorët e tij, dhe ndjen kambanat se SPAK do të ngrejë akuzat ndaj tij. Do jetë dobi e madhe të dënohen vemje të tilla politike. Rama natyrisht do ta mbështeste sepse ato kulla, ato leje ndërtimi, ata i dinë sekrete njëri-tjetrit, sepse paratë pastrohen në Shqipëri por shkojnë në offshore”, theksoi gazetari./ CNA





Lajmet e fundit nga