E fundit!

12:50 Aktualitet

GJKKO gjobit avokatin e pandehur të Erion Veliajt

GJKKO ka gjobitur avokatin e pandehur të kryebashkiakut të...

Topalli: Buxheti i shtetit pa paketë fiskale është vetëm një deklaratë politike, jo dokument ekonomik

5 Nëntor 2025, 15:30, Politikë CNA

Topalli: Buxheti i shtetit pa paketë fiskale është vetëm

Deputetja e Partisë Demokratike, Jozefina Topalli, ka bërë një reagim në rrjetet sociale lidhur me buxhetin e shtetit, për të cilin thotë se pa paketën fiskale është një deklaratë politike dhe jo dokument ekonomik.

Topalli thotë se qeveria e ka paraqitur buxhetin pa sjellë më parë paketën fiskale, ndërsa thekson se kjo është një shkelje e Rregullores së Kuvendit dhe e Kapitullit të Financave Publike të Kushtetutës. Ajo thekson se Kushtetuta e thotë qartë se nuk mund të ketë shpenzim pa burim të ligjshëm të ardhurash.

Deputetja shton se nëse ky buxhet miratohet pa paketë fiskale, Kuvendi do të mbetet vetëm noter i qeverisë.

Postimi i plotë:

Pa pakete fiskale, buxheti i shtetit nuk eshte dokument ekonomik , por nje deklarate politike.
Qeveria ka shpikur buxhetin pa taksa — një mrekulli që s’e ka parë as ekonomia e përrallave.
Qeveria po paraqet buxhetin pa sjellë më parë paketën fiskale — dhe kjo është shkelje e qartë e nenit 78 të Rregullores së Kuvendit dhe e Kapitullit të Financave Publike të Kushtetutës.

Kushtetuta thotë qartë: nuk mund të ketë shpenzim pa burim të ligjshëm të ardhurash.
Pa paketë fiskale, buxheti është dokument i rreme — është propagandë, jo politikë financiare.
Na tregojnë sa do të shpenzojnë, por e fshehin kush do t’i paguajë.
Në këtë vend, buxheti vjen si dhuratë, pa faturë!

Në çdo vend demokratik, buxheti dhe paketa fiskale janë një e vetme. Keshtu ka ndodhur ne Parlament per mbi 2 dekada.

Nëse lejojmë këtë precedent, nesër buxheti do të bëhet pa ligj, dhe Kuvendi do të mbetet vetëm noter i qeverisë.
Po ta bënte këtë një student i vitit të parë të ekonomisë, do të ngelte provimin; po ta bëjë qeveria, e quan reformë.

View this post on Instagram

A post shared by Jozefina Topalli (@topallijozefina)

/CNA