web counter
LEXO PA REKLAMA!

SHKARKO APP

App Store
Google Play

"Qeveria do të subvencionojë shtesën e sigurimeve të privatit", Rama: Në fund të mandatit, paga minimale do të arrijë 700 euro

5 Nëntor 2025, 10:39, Politikë CNA

"Qeveria do të subvencionojë shtesën e sigurimeve të

Kryeministri Edi Rama, me anë të një videoje të postuar në rrjetet sociale, ka folur për pagën minimale, për të cilën tha se do të rritet nga 1 janari i vitit 2026.

Rama tha se paga minimale do të shkojë 500 euro në janar të vitit 2026.

Rritje kjo, që tha Rama, nuk do të jetë e vetmja e këtij mandati dhe më tej paga minimale do të arrijë 700 euro.

Më tej, kryeministri deklaroi se qeveria do të subvencionojë për një periudhë 9-mujore koston shtesë të sigurimeve për të punësuarit në sektorin privat.

“Pjesën e luanit në projektbuxhetin 2026 e zënë pensionistët, për të cilët e nisim 2026, me 100 milionë euro shtesë përveç indeksimit. Janë rreth 1.7 miliardë euro më shumë që pensionistët duhet të marrin mbrapsht nga investimi i tyre për mandatin tonë të katërt qeverisës.

Nga 1 janari 2026 do të rritet edhe paga minimale, 307 mijë e 850 punonjës, të cilët do të marrin shumën e premtuar prej 500 eurosh. Do të jetë rritja e parë, por jo e vetmja e këtij mandati, ku paga minimale do të arrijë 700 euro. Jo vetëm kaq, qeveria do të subvencionojë për një periudhë 9-mujore, me 90 milionë euro edhe koston e shtesës të sigurimeve, për të punësuarit në sektorin privat”, deklaroi Rama./ CNA

 





Lajmet e fundit nga