E fundit!

10:58 Aktualitet

58 operacione, qindra të arrestuar/ Policia e Shtetit në një muaj

Policia e Shtetit ka bërë bliancin e punës për muajin Maj....

"Opozita nuk po lejohet të ushtrojë të drejtat kushtetuese në parlament", Kaso: Jemi larg asaj që kërkohet për integrimin në BE

4 Nëntor 2025, 19:05, Politikë CNA

"Opozita nuk po lejohet të ushtrojë të drejtat kushtetuese

Deputeti i Partisë Demokratike, Ivi Kaso është shprehur sot se opozita po pengohet nga mazhoranca në ushtrimin e të drejtave kushtetuese. I ftuar në Syri Tv, Kaso tha se opozitës po i mohohen ngritja e komisioneve hetimore, mocionet me debat dhe interpelancat me ministrat dhe kryeministrin.

Ai shtoi më tej se po i mohohet gjithashtu edhe bashkëveprimi normal në një demokraci, ku opozita duhet të thotë fjalën e saj. Deputeti theksoi se kjo tregon se jemi shumë larg asaj se çfarë kërkohet për integrimin në Europë.

“Një e drejtë kushtetuese dhe një nga mekanizmat e kontrollit parlamentar që është e ngritja e komisioneve hetimore, sikundër janë mohuar në gjithë, le të themi, ushtrimet e përbashkëta të seancave të parlamentit. I është mohuar mekanizmi i mocioneve me debat, i është mohuar mekanizmi i interpelancave, ku arrin në kushte absurdi qoftë edhe parlamentar, ku thirren ministrat për interpelancë dhe nuk denjojnë të vijnë. Thirret kryeministri, nuk vjen. Thirret zëvendëskryeministrja, nuk vjen.

Përtej asaj çka ishte faqe gjithë botës, që skena e shëmtuar dhe provokimi i opozitës që u bën në seancën e parë të vërtetë solemne të kësaj legjislature, në të cilën duhet të shpalosej programi i qeverisë, duhet të votë-besohej programi i qeverisë, sikundër duhet të njiheshin ministrat, drejtonte pyetje opozita, pra një nga seancat më të rëndësishme të kësaj legjislature, e cila u mbyll pa debat, thjesht dhe vetëm se kryeministri vendosi të provokonte opozitën duke nxjerrë atë avatarin e vet atje, Diellën, dhe duke tentuar që t'i hapte vend në tryezën e dialogut parlamentar.

Kështu që ka shumë raste, është e kotë të ndalem te të gjitha, kur opozitës i është mohuar zëri, i është mohuar ai bashkëveprimi normal në një demokraci, ku sigurisht opozita do të thotë të sajën, do të përpiqet që me mekanizmat kushtetues që i ka, të ushtrojë kontrollin e vet. Dhe sot jemi shumë larg, për fat të keq, për fat të keq për integrimin e Shqipërisë, shumë larg asaj çka kërkon, çka është nënvizuar me të drejtë dhe që është kushti i kushteve për përparimin e Shqipërisë në rrugën e integrimit, që është ajo dialogu politik gjithëpërfshirës, pra kthimi i jetës politike në përgjithësi dhe institucionale sigurisht, në një normalitet siç duhet të jetë në një demokraci”, u shpreh Kaso. /CNA