web counter
LEXO PA REKLAMA!

SHKARKO APP

App Store
Google Play

"Tepelena nuk do të jetë në mëshirë të kanabisit", Xhaferri: Njerëzit do të jetojnë përmes blegtorisë, turizmit dhe bujqësisë

1 Nëntor 2025, 16:44, Politikë CNA

"Tepelena nuk do të jetë në mëshirë të

Deputeti i Partisë Demokratike, Besart Xhaferri ka ndarë në rrjetet socialepamje nga një takim i kandidatit të pavarur Gabriel Guma me qytetarët e Tepelenës.

Xhaferri është shprehur se njerëzit në Tepelënë do të jetojnë përmes blegtorisë, turizmit dhe bujqësisë dhe sipas tij nuk do të jetë në mëshirë të kanabisit. Deputeti ka theksuar se bujqësia, blegtoria dhe turizmi do të nxisin rikthimet në zonën e Tepelenës.

Postimi i plotë:

Tepelena nuk do të jetë në mëshirë të kanabisit, por njerëzit do të jetojnë me dinjitet përmes blegtorisë, turizmit dhe bujqësisë!

Sot ishim në Tepelenë, në mbështetje të kandidatit të pavarur Gabriel Guma, një i ri i shkolluar për arkitekturë, që ka vendosur t’i dalë zot vendlindjes së tij.

Kanabisi ka qenë i vetmi vizion i së majtës Ramiste për Tepelenën e njerëzve të fisëm, ndërsa mbjellja masive e tij me licencë qeveritare ka mbjellë varfëri, krim, korrupsion, nepotizëm dhe eksod.

Një zinxhir vrasjesh ka tronditur vitet e fundit këtë krahinë të njerëzve të fisëm e patriotë, teksa Edi Rama dhe soji i tij, prej dy dekadash, i kanë parë me përçmim banorët e Tepelenës.

Gabriel Guma e di këtë, ndaj ka vendosur të dalë në krah të njerëzve të vendlindjes së tij.

Ai është aty që fondet e IPARD-it të mos i marrin oligarkët artificialë që fryhen me tendera publikë, por t’i marrin fermerët dhe blegtorët.

Bujqësia, blegtoria dhe turizmi janë trinomi që në Tepelenë do të frenojë eksodin dhe do të nxisë rikthimet në këtë trevë, që Zoti e ka bekuar në çdo pëllëmbë të saj. /CNA

"Tepelena nuk do të jetë në mëshirë të





Lajmet e fundit nga