web counter
LEXO PA REKLAMA!

SHKARKO APP

App Store
Google Play

Ndarja nga jeta e ish-kryeministrit/ Opozita mesazhe ngushëllimi

31 Tetor 2025, 19:18, Politikë CNA

Ndarja nga jeta e ish-kryeministrit/ Opozita mesazhe ngushëllimi

Figura të opozitës kanë shprehur ngushëllimet e tyre për ndarjen nga jeta të ish-kryeministrit Fatos Nano.

Kreu i PAA, Agron Duka e cilëson Nanon si njeri që udhëhiqej nga dashuria për njerëzit dhe nuk dinte të hakmerrej.

Duka thotë se shqiptarët ishin me fat që në një epokë të vështirë patën një njeri si Nano.

 

“Njeriu në jetë njeh shumë njerëz, por jo të gjithë lënë gjurmë të thella si nëna, babai e familja.

Një njeri që unë nuk do ta harroj kurrë ishte Fatos Nano.

Një njeri me një zgjuarsi të lindur, por edhe i thellë në dituri. Ai udhëhiqej nga dashuria për njerëzit. Nuk dinte të hakmerrej, por dinte të falte.

Shqiptarët ishin me fat që patën në një epokë të vështirë një njeri tolerant, social-liberal dhe të ditur si ai.

U prehsh në paqe, miku im. Qofsh i parajsës”, shkruan Duka.

 

Për ndarjen nga jeta të Nanos, ka reaguar dhe deputeti demokrat Tritan Shehu.

Me anë të një postimi në rrjetet sociale, Shehu shkruan se shuarja e Nanos është një humbje për socialistët dhe politikën shqiptare.

 

“Ngushëllimet më të sinqerta për humbjen e z. Fatos Nano!

Një humbje për familjen socialiste.

Një humbje për politikën shqiptare.

Ngushëllime familjes së tij, që e ndien dhe e përjeton më shumë se kushdo tjetër këtë humbje.

Ngushëllime bashkëpunëtorëve ndër vite, miqve dhe shokëve.

Ngushëllime”, shkruan Shehu./CNA





Lajmet e fundit nga