web counter
LEXO PA REKLAMA!

SHKARKO APP

App Store
Google Play

PD mbledh të hënën Kryesinë/ Këlliçi: Na janë mohuar zgjedhjet

31 Tetor 2025, 21:44, Politikë CNA

PD mbledh të hënën Kryesinë/ Këlliçi: Na

Deputeti i Partisë Demokratike, Belind Këlliçi në një intervistë televizive ka njoftuar se ditën e hënë në orën 13:00, demokratët do të mbledhin grupin parlamentar.

Këlliçi tha se në këtë mbledhje do të diskutohet dhe se çfarë vendimi do të merret në lidhjet me qasjen që do të kenë në Kuvend.

Demokrati tha se do të diskutohet dhe çështja e zgjedhjeve, pasi sipas Këlliçit zgjedhjet janë vjedhur.

 

“Pa diskutim do të intensifikojmë aksionin tonë brenda dhe jashtë parlamentit për shkak se dhe aty në parlament edhe kur tentuam brenda kësaj jave në dy seanca të kemi një qasje normale, të kemi një qasje proaktive. Edhe pse kushtetuta nuk na kërkon dhe ligji nuk na kërkon që ne të bënim riformulim të kërkesave tona për komisionet hetimore edhe për t'ia rrëzuar këtë alibi të datës 17 në mbledhjen e datës 17 tetor të konferencës së kryetarëve të kërkuar nga PS-ja. Sërish ne ju përgjigjëm pozitivisht, riformuluam kërkesat tona, i depozituam dhe njëherë kërkesat për komisionin hetimore. Është një atribut që na jep Kushtetuta e Republikës së Shqipërisë. Pra, nuk ka çështje interpretimi këtu. A kemi ne mundësinë ta ngrejmë një komision hetimor apo nuk kemi mundësinë?  Çfarë do bëjmë do të jetë pjesë e një vendimmarrje të ditës së hënë. Pra ditën e hënë e kemi thirrur në orën 13:00 dhe po ja ju jap ta keni dhe lajm. Do të jetë mbledhja e kryesisë së Partisë Demokratike që do të vendosë aksionin politik. Se duhet të kuptoni mbledhja e grupit parlamentar vendos vetëm qasjen, le të themi në seancën parlamentare, rendin e ditës edhe aksionin politik vetëm brenda parlamentit. Aksioni politik i gjithë partisë përcaktohet nga forumet e larta të saj, Kryesia dhe Këshilli Kombëtar. Ditën e hënë në orën 13:00 kemi Kryesinë dhe do të vendoset e do diskutohet edhe vendimmarrja në raport me qasjen që ne do të kemi me Kuvendin, por jo vetëm edhe me çështjen e zgjedhjeve, sepse na janë mohuar zgjedhjet”, deklaroi Këlliçi./CNA





Lajmet e fundit nga