web counter
LEXO PA REKLAMA!

SHKARKO APP

App Store
Google Play

E fundit!

x

Këlliçi: Veliaj duhet dënuar për inceneratorin e Tiranës, mori miliona për fustane e benevrekë

31 Tetor 2025, 20:34, Politikë CNA

Këlliçi: Veliaj duhet dënuar për inceneratorin e

Deputeti demokrat, Belind Këlliçi tha sot se ish-kryebashkiaku i arrestuar i Tiranës Erion Veliaj duhet të ishte pas qelisë për vjedhjet e kryera  me inceneratorin e Tiranës, nga ku mori miliona euro.

I ftuar në A2 CNN, Këlliçi u shpreh se i gjithë populli e di mirë se Veliaj vazhdon të prodhojë gënjeshtra dhe baltë.

“Mbase kur e dëgjon mund të ketë ndonjë fije të drejtë në kërkesën që ka edhe pse e kemi thënë që vendimi është antikushtetues i Presidentit për ta shkarkuar nga detyra. Prapë është një krijesë aq e aq e pështirë dhe është një njeri aq i gënjeshtërt, në thelb pa bosht e pa moral sa dhe aty në atë sallë ku është tani e ka mendjen të gënjej duke thënë që jam në konflikt interesi me prokurorin dhe mashtrime që i di i madh dhe i vogël. I di i gjithë publiku që nuk janë të tilla dhe sërish vijon të prodhojë gënjeshtra dhe baltë. Sigurisht Erion Veliaj sot do duhet të ishte pas dyerve të qelisë, pas hekurave të qelisë për shkak të vjedhjes me Inceneratorin e Tiranës të 182 milionë eurove. Për shkak të vjedhjes me skemën 5D dhe ngritjes së skemës korruptive më të paprecedent në historinë e Republikës së Shqipërisë. Erion Veliaj duhet të ishte prapa hekurave për shkak të zhdukjes së Teatrit Kombëtar. Por edhe atë favor që i kanë bërë, se për mua i kanë bërë favor që e kanë çuar vetëm për një vepër personale, pavarësisht se ato qindra mijëra euro që ka shpenzuar për veshmbathje, rroba, fustane e benevrekë”,-tha Këlliçi./CNA





Lajmet e fundit nga