web counter
LEXO PA REKLAMA!

SHKARKO APP

App Store
Google Play

E fundit!

x

“Të shkarkohet Erion Veliaj”/ Teliti: Po futen hundët në punët e bashkisë

24 Korrik 2025, 16:03, Politikë CNA

“Të shkarkohet Erion Veliaj”/ Teliti: Po futen hundët

Nënkryetari i Këshillit Bashkiak të Tiranës, Dorjan Teliti, tha sot se në mbledhjen e sotme të bashkisë duhet të ishin përfshirë në rendin e ditës edhe çështje me rëndësi, pas marrjes së kryebashkiakut Veliaj si të pandehur nga SPAK-u.

Në një komunikim televiziv, Teliti u shpreh se duhen bërë diskutime dhe propozime siç është edhe shkarkimi nga detyra i Veliajt.

Teliti theksoi se deri më tani ka një mungesë të theksuar transparence në bashki.

“Në rend të ditës duhej të futej kërkesa e opozitës për statusin ligjor e politik të Erion Veliajt. Pas zhvillimit të djeshëm që Veliaj është i pandehur në SPAK, duhet të zgjidhet gjendja e tij. Këshilli duhet ta zgjidhë. Kemi dëgjuar histori të ndryshme për shkarkime nga ministra, në kundërshtim me ligjin.

Ne kërkuam edhe për përjashtimin e dy akteve të konsultimit publik, kërkuam ngritjen e komisionit financiar të Bashkisë Tiranë. Sot nga shumë artifica e pamundësuan ngritjen e këtij komisioni. Nëse duan të vijojnë me mostransparencën e Tiranës prej 2 vitesh, është rruga e duhur për ta. Për ne nuk është e për qytetarët. Nuk e duan ngritjen e komisionit, ne do bëjmë çmos për të nisur punën ky komision, për të nxjerrë abuzimet në Bashkinë e Tiranës.

Këshilli Bashkiak duhet të bëjë diskutime mbi situatën, pastaj të bëhen propozime për kryebashkiakun, që është shkarkimi i Erion Veliajt e t’u hapet rruga zgjedhjeve të lira e të ndershme në bashki. Është depozituar që prej 2 muajsh kërkesa jonë, le të futet në rend të ditës. Sot nuk merret vesh kush e drejton Bashkinë e Tiranës. Kemi një amulli, situatë të pashpjegueshme dhe anormale. Normaliteti vjen me zgjedhjet për Bashkinë e Tiranës.

Ne s’kemi parë gjë konkrete, pasi nuk zhvillohen në transparencë. Por po zhvillohen intervista, konkurse që s’janë normale. Ne kërkojmë zbatimin e kushtetutës e ligjit. Sot në situatën kur ministrat fusin hundët në punët e bashkisë është jashtë çdo standardi që ndodh në vitin 2025”,-tha Teliti./CNA

 





Lajmet e fundit nga