web counter
LEXO PA REKLAMA!

SHKARKO APP

App Store
Google Play

Të gjithë këshilltarët e jashtëm që Presidenti i paguan, por i fsheh

3 Tetor 2025, 15:51, Politikë CNA

Të gjithë këshilltarët e jashtëm që Presidenti i

Nuk është e lehtë të gjesh listën e plotë të këshilltarëve që Bajram Begaj i paguan çdo muaj që ta këshillojnë. Në faqen zyrtare të Presidentit të Republikës gjen anëtarët e kabinetit, por në të zbulon vetëm listën e këshilltarëve në kohë të plotë.

Asaj liste i mungojnë emrat dhe CV-të e një tufe njerëzish që Bajram Begaj i paguan si këshilltarë të jashtëm.

Ata janë pjesë e kabinetit të Begajt, megjithëse me kohë të pjesshme. Që do të thotë "nuk punojnë 40 orë në javë". Gjithsesi, sa kohë që paguhen, ajo listë mininalisht i përcillet zyrës së financës së Begajt një herë në muaj.

Lista mund të gjendet e plotë sidoqoftë në zyrat e Ministrisë së Financave ose të Thesarit të Tiranës nga ku urdhërohen pagesat. Shpërblimi i këtyre këshilltarëve shkon deri në 100.000 lekë në muaj, por ata nuk shfaqen në faqen zyrtare të institucionit.

Pse i fsheh Presidenca ata që paguhen të këshillojnë Presidentin?

Pas zbulimit të listës së këshilltarëve, që ish-kryetarja e Kuvendit paguante për këshilla, u pa se dikush i këshillonte asaj modelin e flokëve. Edhe ajo listë ishte mbajtur e fshehtë deri ditën që dikush e gjeti.

Përpara se Begaj të bëjë publike listën e mentorëve "të fshehtë", po përmendim disa prej tyre:
- Afrim Krasniqi, i njohur si pronar OJF dhe opinionist.
- Petrit Plloçi, avokat, ish-anëtar i Gjykatës Kushtetuese.
- Sokol Berberi, avokat, ish-anëtar i Gjykatës Kushtetuese.

Lista nuk përfundon këtu, por kjo pjesë e listës e bën të pakuptimtë motivin e fshehjes së tyre nga Begaj.

Personaliteti i tyre nuk u jep kuptim motiveve që e detyrojnë Presidentin t'i fshehë nga publiku, sepse me CV-të që kanë, të paktën secili prej këtyre të treve, Begaj do të duhet të mburrej.
Janë ata që kanë turp të shfaqen si këshilltarë të Begajt, apo pjesa tjetër e listës ngjan me atë të Spiropalit?





Lajmet e fundit nga