E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Rama, me “dorë të hekurt” për shkelësit e hapësirave publike: Do të bëhen pjesë e listës së zezë

3 Tetor 2025, 12:12, Politikë CNA

Rama, me “dorë të hekurt” për shkelësit e

Në konferencën me gazetarët, kryeministri Edi Rama ka folur edhe për ndryshimet në ligjin për planifikimin dhe zhvillimin e territorit. Rama tha se do të jetë masë e detyrueshme regjistrimi i hapësirave publike. Ai u shpreh gjithashtu se asnjë pronar privat nuk ka të drejtë të zaptojë hapësirat mes apo pranë pallateve.

Rama theksoi se kjo është me rëndësi edhe për rrugën drejt integrimit europian, ku shtoi se karakteri social i pronës është normë e bashkëjetesës europiane. Kreu i qeverisë njoftoi po ashtu edhe krijimin e regjistrit kombëtar elektronik ku do të regjistrohen të gjitha lejet e zhvillimit të territorit.

Gjatë fjalës së tij, Rama ka paralajmëruar ashpër shkelësit e ligjit për të cilët tha se do të bëhen pjesë e listës së zezë. Në këtë listë do të bëjnë pjesë zhvillues, shoqëri dhe individë.

"Deri sot nuk ka qenë rregulli i regjistrimit të hapësirave publike. Sot hyn në fuqi kjo masë si detyrim. Kur kemi një zhvilllim të caktuar mbi një pronë private për një godinë, e cila i jepet një numri të caktuar familjesh apo biznesesh, çdo metër katror rreth asaj godine kthehet në pronë publike, nuk është më private. Kjo bën që të jenë të qartë ata që sot janë zaptues, por edhe gjykatësit që në rast injorance apo paraje, mbyllin sytë. Në asnjë hapësirë në mes apo pranë pallateve, asnjë pronar privat nuk ka të drejtë të bëjë gjë pa leje. Për sa kohë nuk ka leje ndërtimi, ajo pronë i takon shtetit. Kjo duhet të jetë e qartë për të gjithë, sepse karakteri social i pronës është normë e bashkëjetesës europiane. Më tej është krijimi i regjistrit kombëtar elektronik ku do të regjistrohen të gjitha lejet e zhvillimit të territorit. Do të jetë pikë referimi për të gjithë. Një masë tjetër do të jetë krijimi i listës së zezë, ku do të përfshijë zhvilluesit, shoqëritë, individët që kanë shkelur ligjin", tha Rama./CNA