web counter
LEXO PA REKLAMA!

SHKARKO APP

App Store
Google Play

Videoja virale e Ramës dhe komenti për Trump/ Berisha: Kloun ndërkombëtar, u tall me presidentin

3 Tetor 2025, 13:49, Politikë CNA

Videoja virale e Ramës dhe komenti për Trump/ Berisha: Kloun

Kreu i PD-së, Sali Berisha, ka reguar në lidhje me videon virale të Ramës dhe komentin e tij për Presidentin Donald Trump në samitin që u mbajt në Danimarkë.

Berisha e ka quajtur Ramën kloun ndërkombëtar që shfrytëzoi samitin e Bashkimit Politik të Europës për të përqeshur, për t’u tallur me presidentin e SHBA-së.

“Dje shqiptarët, europianët dhe qytetarët e mbarë botës panë se si kreu i organizatës kriminale të Tiranës është njëherazi edhe klouni ndërkombëtar.

Edi Rama shfrytëzoi samitin e Bashkimit Politik të Europës për të përqeshur, për t’u tallur me presidentin e SHBA-së.

Konkretisht, me një proces të suksesshëm paqeje siç ishte paqja e Kaukazit.

Edi Rama, klounadën e tij, që e filloi në sallën e samitit, e vazhdoi më vonë me mediat, duke bërë të njëjtat deklarata.

Në një akt të verbër, kukulla e Xhorxh Sorosit mendoi se ky është shërbimi më i madh që mund t’i bëjë këtij të fundit.

Por ky është shërbimi më i keq që Edi Rama mund t’u bëjë shqiptarëve.

Ky është shërbimi më i keq që Edi Rama mund t’i bëjë Europës.

Në darkë u përpoq të marrë kthesën duke dëshmuar edhe njëherë se sa hipokrit dhe i pakarakter është.

Kam sjellë këtu jo klounadën e tij me paqen e Kaukazit, por kam sjellë deklaratat e tij zyrtare për të kuptuar se çfarë hipokriti dhe i pakarakter është.

Me datën 1 shtator të vitit 2025, në forumin e Bledit në Slloveni, kukulla e Xhorxh Sorosit, Ramaduro, në fjalën e tij theksoi: askush nuk mund të thotë se ka ndonjë lloj paqartësie, por besoj se Europa nuk duhet të presë se çfarë do të ndodhë në anën tjetër të oqeanit me planin e paqes për Ukrainën. Europa është përmbi të gjitha paqe, është kultura e paqes, është paqja në kulturë.

Sipas tij, Europa-paqe nuk duhet të pyesë SHBA-luftë apo Europa-kultura e paqes, paçka se ka shkaktuar dy tragjeditë më të mëdha botërore të të gjitha kohërave, luftën e parë dhe luftën e dytë, qenka kultura e paqes, kurse urat e zjarrit del se paskan ardhur nga përtej Atlantikut”, tha Berisha./ CNA





Lajmet e fundit nga