web counter
LEXO PA REKLAMA!

SHKARKO APP

App Store
Google Play

Ndërtimet/ Rama, masa të ashpra për inspektorët: Kush mbyll sytë do ta pësojë

3 Tetor 2025, 12:26, Politikë CNA

Ndërtimet/ Rama, masa të ashpra për inspektorët: Kush mbyll

Kryeministri Edi Rama është shprehur sot se çdo godinë e ndërtuar dhe çdo leje ndërtimi do të lidhet me një person përkatës. Sipas tij, shkelja do të ketë tashmë një adresim dhe shtoi se personat në fjalë do të përgjigjen për çdo certifikim në çdo fazë. Ai tha se gjithashtu do të caktohen edhe inspektorë përgjegjës që do të ndjekin procesin deri në fund.

Ai paralajmëroi se inspektorët që mbyllin sytë do të përballen me masa të ashpra si largim të menjëhershëm nga detyra dhe ndjekje penale. Kreu i qeverisë bëri po ashtu me dije se asnjë denoncim për zaptimin e hapësirave publike në portalin “Hapësira ime” nuk do të lihet sikur nuk u bë.

“Çdo godinë dhe çdo leje ndërtimi do të lidhet me persona përkatës. Faji nuk do të jetë më anonim. Personat do të përgjigjen për çdo certifikim në çdo fazë. Janë një sërë masash që e bëjnë fatale mbylljen e syve. Do të caktohet një inspektor përgjegjës dhe do të jetë deri në fund të procesit. Më tej do të jetë largimi i menjëhershëm nga detyra për të gjithë inspektorët që nuk vënë në dukje shkeljet. Në çdo rast që provohet mosveprim, masa është largim i menjëhershëm nga detyra, ndjekje penale dhe moskthimi në punë shteti për një kohë të caktuar. Asnjë denoncim në portalin 'Hapësira ime' nuk do të lihet sikur nuk ndodhi. Një tjetër ashpërsim i masave lidhet me mosushtrimin e kontrollit dhe mosrespektimin e afateve për vendimet e parashikuara në kohë, për mospezullimin e punimeve nëse konstatohen shkelje”, u shpreh Rama./CNA





Lajmet e fundit nga