web counter
LEXO PA REKLAMA!

SHKARKO APP

App Store
Google Play

E fundit!

x

Studenti i “Harry Fultz” që iku në SHBA: Akuzat ndaj Këlliçit janë pa kuptim

28 Prill 2023, 20:15, Politikë CNA
Studenti i “Harry Fultz” që iku në SHBA: Akuzat ndaj
Henri Kavaja

Mazhoranca ka hedhur akuza ndaj kandidatit të koalicionit “Bashkë Fitojmë” për Tiranën, Belind Këlliçit, lidhur me diplomimin e tij në Institutin “Harry Fultz”.

Këto akuza janë cilësuar si të pakuptimta nga Henri Kavaja, një profesionist që punon në një kompani të madhe në SHBA, i cili ashtu si Këlliçi, ka kryer 4 vite studimet te “Harry Fultz”, e më pas ka aplikuar në një universitet në Amerikë.

Kavaja tha në një intervistë me Armela Ferkon se universitetet amerikane janë shumë rigoroze dhe të rrepta në pranime dhe pas përfundimit të studimeve e ka pasur të lehtë të gjejë punë.

Për këtë arsye, ai theksoi se debati në Shqipëri për diplomën e shkollës së mesme nuk qëndron.

"Më duken pa kuptim akuzat që janë bërë ndaj Këlliçit, pasi në SHBA nuk ke nevojë të mashtrosh, por vetëm të vërtetosh që ke bërë shkollën e mesme dhe çdo gjë është në rregull. Unë erdha në Amerikë në vitin 2000 dhe aplikova për universitet, procedura që janë të rrepta dhe pasi t’i kesh kaluar ato procedura mund të bëhesh pjesë e universitetit në SHBA. Është ëndërr e shqiptarëve që të arsimohen dhe të punojnë në Amerikë, unë nuk i kam mbaruar të gjithë vitet në ‘Harry Fultz’ në Shqipëri, por nuk ishte problem që të regjistrohesha në universitet në SHBA.

Unë kur erdha këtu dorëzova notat e katër viteve dhe një test që e kërkonte shkolla dhe pastaj jam regjistruar në universitet dhe ketu, pasi studiova 5 vite arrita që të pranohesha në punë direkt. Unë isha një nga pesë persona që aplikuan dhe u pranuan për punë", theksoi ai./ CNA.al





Lajmet e fundit nga