web counter
LEXO PA REKLAMA!

SHKARKO APP

App Store
Google Play

E fundit!

x

“Aferë skandaloze me hidrovorin e Durrësit”/ Akuzat e Berishës ndaj Sakos

28 Prill 2023, 13:44, Politikë CNA
“Aferë skandaloze me hidrovorin e Durrësit”/ Akuzat e
Kryetari i koalicionit “Bashkë Fitojmë”, Sali Berisha

Kryetari i koalicionit “Bashkë Fitojmë”, Sali Berisha, në takimin e përjavshëm me gazetarët ka shigjetuar kryebashkiaken aktuale dhe njëkohesisht kandidaten e PS-së për Bashkinë Durrës, Ermiana Sako.

Ndaj saj kanë vërshuar akuza të rënda për korrupsion nga Berisha.

Sipas këtij të fundit, investimi për hidrovorin është qartazi një skemë korrupsioni, një investim jo i domosdoshëm përpara nevojave të tjera alarmante siç është strehimi i njerëzve, të cilët humbën banesat e tyre nga tërmeti.

Në komunikimin për mediat ai ka renditur shkeljet që janë bërë nga Sako në këtë projekt.

"Një aferë tjetër superskandaloze është afera e zonjës Sako.

Zonja Sako është një korruptokrate e pamëshirshme.

Zonja Sako, për të vjedhur, nuk lë ligj pa thyer, nuk lë

standard pa shkelmuar.

Tani hidrovori i Durrësit është simboli i zi i vjedhjeve të saj.

Ju lutem qytetarëve dhe ju, unë po lexoj përmbledhjen e kësaj afere.

Së pari, investimi për hidrovorin ndonëse nuk ka lidhje me asnjë fatkeqësi natyrore, u trajtua si rindërtim dhe u prokurua me fondet e rindërtimit të tërmetit. Imagjinoni se çfarë bëjnë këta me qytetarët hallexhinj që presin në çadra apo të strehuar në mënyrën më të keqe. Paratë i përdorin për hidrovorin.

Së dyti, projekti filloi si përforcim në rindërtim, duke shpërdoruar fondet e rindërtimit.

Së treti, u ndryshua pozicioni i vendosjes së godinës ekzistuese dhe zhvendoset pranë Porto Romanos, duke rritur kostot dhe shtuar 3600 metra linear kanal shumë të thellë dhe shpenzime të tjera që shkojnë në 26 milionë euro, vetëm për të vjedhur.

Së katërti, zhvendosja lidhet me investimin në Portin e Durrësit.

Vetëm projekti i rehabilitimit të infrastrukturës ka kushtuar 7.2 milionë euro.

Prokurimi ishte fiktiv sepse projekti ishte përgatitur nga projektuesi. Data e lidhjes së kontratës është më vonë.

Leja është miratuar pa u kryer shpronësimi, edhe kjo një shkelje shumë e rëndë ligjore nga Sako.

Sako firmosi për tjetër pozicion dhe tjetër pozicion propozoi Këshilli Bashkiak dhe tjetër pozicion është zbatuar për godinën e hidrovorit.

Sako është pra në një vepër të rëndë penale. Kjo zonjë e ka vendin në hetim të thellë të SPAK-ut.

Pavarësisht se Rama e paralizon SKAP-in, ne do të dorëzojmë këtë për ndjekje penale.

Le ta quajë Rama si të dojë, ajo do të shkojë për ndjekje penale", tha Berisha./ CNA.al





Lajmet e fundit nga