web counter
LEXO PA REKLAMA!

SHKARKO APP

App Store
Google Play

Denoncimi për Mariglen Qaton dhe inceneratori i Tiranës/ Këlliçi, thirrje SPAK-ut

28 Prill 2023, 09:42, Politikë CNA
Denoncimi për Mariglen Qaton dhe inceneratori i Tiranës/
Kandidati i koalicionit “Bashkë Fitojmë” për Bashkinë e Tiranës, Belind Këlliçi

Kandidati i koalicionit “Bashkë Fitojmë” për Bashkinë e Tiranës, Belind Këlliçi, ka sjellë në vëmendjen denoncimin për kreun e IMT-s, Mariglen Qato, ku sipas tij ky i fundit ka përfituar 25 milionë euro tendera nga Bashkia e Tiranës, ndonëse është vartës direkt i Erion Veliajt.

“Ndërkohë, ditën e djeshme, unë nxora një aferë të një drejtori, në Bashkinë e Tiranës, që quhet Mariglen Qato, që është Drejtori i Inspektoriatit të Mbrojtjes së Territorit, që s`ka lënë qytetar pa gjobitur në Tiranë, që ka hapur një kompani bashkë me familjarët e vet në vitin 2016 kur ishte drejtor UKT-je, që ka marrë 25 milionë euro nga taksat e bashkisë, që ka futur familjarët e vet te financa e UKT-së, ku vetë ishte drejtor dhe vet me institucionin e vet paguan kompanitë e veta, dhe nuk dëgjova njeri dje që të fliste për këtë. Ku janë këta analistët që u shqetësuan për posterin?”, tha Këlliçi.

Por, pyetjen për mungesën e reagimit dhe hetimit ndaj Mariglen Qatos dhe vetë Erion Veliajt, që akuzohet për aferën e inceneratorëve, Belind Këlliçi ia drejtoi edhe SPAK-ut. Ai i kërkoi Prokurorisë së Posaçme të hetojë korrupsionin, që sipas tij është i faktuar me dokumente të firmosura nga dora e Erion Veliajt.

“Kam një thirrje për SPAK-un sot nga Njësia Nr.7. Ka shumë fjalë, po flitet ditët e fundit, se po përgatiteni që Mariglen Qaton ta arrestoni pas zgjedhjeve, për të mos i dhënë kosto kryetarit të bashkisë. Çfarë ju pengon të shkoni dhe t'i verifikoni ato akuza që kam bërë unë? Çfarë ju pengon që tri vite që është bërë kallëzimi në SPAK për inceneratorin e Tiranës, të hapet dosja e Tiranës? Çfarë ju pengon të shihni shkresën e Erion Veliajt me firmën e tij dhe me vulën e bashkisë në mars të 2017, që shiti për 30 vite ekonominë e qytetit tonë. Çfarë ju pengon t`i shihni këto shkresa që janë bërë publike?”, u shpreh kandidati i opozitës për Bashkinë e Tiranës./CNA.al





Lajmet e fundit nga