web counter
LEXO PA REKLAMA!

SHKARKO APP

App Store
Google Play

E fundit!

x

“Shkodra, në krizë nga keqmenaxhimi i Benet Becit”/ Shkreli: PD e angazhuar për ndryshim

31 Dhjetor 2024, 16:00, Politikë CNA
“Shkodra, në krizë nga keqmenaxhimi i Benet Becit”/
Anëtare e Këshillit Bashkiak Shkodër, Eliona Shkreli

Të nderuar qytetarë të Shkodrës!

Viti 2024 per Bashkinë Shkodër dhe banorët e saj prodhoi nje grumbull skandalesh nga keqmenaxhimi i kreut të saj Benet Beci dhe stafit të tij të ngushtë.

I deleguari politik i Rilindjes tashmë zyrtarisht nën hetim për korrupsion nga ana e SPAK ka zgjedhur qe shumë vendime t’i marrë në kokën e tij, pa asnje transparencë duke vendosur në plan të parë interesa të ngushta klienteliste dhe aspak në interes të banorëve të territorit që përfshin Bashkia Shkodër.

Keshilli Bashkiak, si organi vendimmarrës është anashkaluar shumë herë, në shkelje te plotë te ligjit për pushtetin vendor dhe të rregullores së mirëfunksionimit të Këshillit Bashkiak.

Shumica në Këshill me fuqinë e kartonit ligjëruan interesat e kryebashkiakut të tyre i cili Shkodrën e cileson si çifligun e tij, klientëve dhe shefit te tij ne Tirane.

Mbledhja e fundit e keshillit Bashkiak ku do duhej te debatohej rreth projekt- buxhetit, u keqperdor nga Benet Beci për të bërë propagandë elektorale.

Kryebashkiaku i cili prej muajit shkurt zgjodhi të mos ishte prezent në asnjë mbledhje, shfrytëzoi sallën e Këshillit Bashkiak në rolin e drejtuesit politik rilindas për Qarkun Shkodër. Ndersa drejtuesi i Keshillit Bashkiak si nje ushtar i bindur pranoi qe ne shkelje te plote me rregulloren të kalojë ne votim buxhetin 2025 pa diskutime, pa pyetje e përgjigje dhe duke mohuar zërin e opozitës.

Në Bashkinë Shkodër e cila tashme drejtohet nga nje grusht njerezish pa ide, pa vizion nga nje kryetar bashkie që grabiti karrigen e kryebashkiakut me votat e bandave dhe krimit te organizuar, po shperdorohen taksat e qytetareve permes tenderave korruptiv dhe ne mungese te plote te transparences.

Këshilli Bashkiak i Shkodrës po shfrytezohet si zyrë noterie nga Benet Beci dhe bashkëpunëtorët e tij të ngushtë ndersa kryebashkiaku gjatë gjithë vitit nuk u shfaq asnjëherë për të dhënë llogari se ku shkojnë taksat e qytetarëve, dhe se si ato shpërndahen në paga të patronazhistëve dhe shumë pak shkojnë në investime.

Asnjë fjalë nuk u tha nga maxhoranca dhe as nga Benet Beci për rritjen e çmimit te ujit me 40%, as për rritjen e taksave dhe tarifave vendore të cilat Rilindja lokale ka zgjedhur t’ja bëjë dhuratë per festat e fundvitit familjeve Shkodrane.

Te nderuar banorë te Shkodrës” Ne, përfaqësuesit e Partisë Demokratike në Këshillin Bashkiak të Shkodrës jemi të vendosur te mbrojmë me te gjitha mjetet demokratike interesat tuaja.

2025 do jete vit i ndryshimeve të mëdha ku Shkodra dhe gjithë Shqipëria do çlirohen njeherë e përgjithmonë nga ky narkoregjim.

Në emër të përfaqësuesve të Partisë Demokratike në Këshillin Bashkiak, ju urojmë gëzuar Vitin e Ri shëndet, mbarësi dhe shpresë sjelltë 2025-a për çdo familje dhe banor të Shkodrës kudo që ndodhen./CNA

 





Lajmet e fundit nga