web counter
LEXO PA REKLAMA!

SHKARKO APP

App Store
Google Play

Sekuestrimi i inceneratorit të Tiranës/ Berisha: Masë në drejtimin e duhur, s’duhen vonesa

4 Gusht 2023, 12:35, Politikë CNA

Sekuestrimi i inceneratorit të Tiranës/ Berisha: Masë në

Kryetari i Partisë Demokratike, Sali Berisha, ka reaguar për sekuestrimin e inceneratorit të Tiranës nga SPAK, pasi ka siguruar prova për aferën.

Berisha e cilësoi sekuestrimin si një masë në drejtimin e duhur, por theksoi se nuk ddrejtësia nuk duhej të kryente vonesa.

Ai ngriti akuzat se pronarët “de jure” u fshehën për një kohë të gjatë nga kryeministri Edi Rama dhe kryebashkiaku i Tiranës, Erion Veliaj.

Sipas tij, drejtësia duhet t’i kishte zbuluar pronarët më herët.

“Sekuestrimi këtë javë i shoqërisë Integrated Energy dhe pasurive të tyre nga SPAK, ka qenë temë kryesore e debatit javor. Personalisht unë dhe PD kemi mbështetur dhe do mbështesim çdo masë, vendim, akt që përputhet me zbatimin e paanshëm të ligjit.

Në këtë kuadër, ne mbështesim si një masë në drejtimin e duhur, vendosjen e sekuestros mbi shoqëritë dhe pasuritë e shoqërive që në letra kanë në pronësi djegësin e Tiranës. Por PD përsërit gjithashtu se sikundërse djegësat janë vjedhja e shekullit, hetimi i tyre është dështimi i shekullit.

Vonesat në hetim i kanë kushtuar qytetarëve mbi 40 milionë euro të grabitura nga hajdutët e shekullit. Për PD-në, vonesa e kësaj sekuestroje përbën në vetvete një vepër të rëndë penale.

Së pari, sepse vetëm pak muaj më parë kreu i SPAK deklaroi se nuk vendosim sekuestro se nuk dimë pronarët dhe ata do na hedhin në arbitrazh. Me këtë pohim ai pohoi se ekzekutivi po fsheh pronarët e kompanive për të vazhduar të qetë vjedhjen e miliona eurove. Ata e bënë këtë fshehje, këtë vepër penale jo për të mbrojtur pasurimin e Zotos dhe Mërtirit, por për të mbrojtur pasurimin e tyre, sepse pronarët e vërtetë janë Rama dhe Veliaj dhe të tjerë.

Ata të cilët kanë fshehur pronarët në letra, kanë kryer një krim të shëmtuar dhe duhej të ishin me kohë në qeli, por kjo nuk ndodh sepse prokuroria është e tyre. Prokurori e di se shteti është i detyruar t’i dalë zot para ligjit kontratës që ka firmosur, dhe kur ajo nuk i del zot, fsheh një krim apo kryen një krim.

Erion Veliaj dhe Edi Rama dhe të gjithë ata që kanë firmat në koncesionin e Tiranës dhe i kanë fshehur pronarët ‘de jure’ kanë kryer vepër të rëndë penale dhe e kanë bërë këtë vetëm sepse ajo ishte pronë e tyre”, theksoi ish-kryeministri./ CNA.al





Lajmet e fundit nga