web counter
LEXO PA REKLAMA!

SHKARKO APP

App Store
Google Play

E fundit!

x

Samiti/ Abazoviç: E ardhmja e vendeve të Ballkanit Perëndimor është në BE

14 Prill 2026, 14:22, Politikë CNA

Samiti/ Abazoviç: E ardhmja e vendeve të Ballkanit Perëndimor

Ish-kryeministri i Malit të Zi, Dritan Abazoviç, ka mbajtur fjalën e tij në panelin e diskutimit me temë “Diaspora mbarëshqiptare: A po bëjmë çfarë duhet bashkërisht?” në Samitin e Diasporës.

Abazoviç e nisi fjalën e tij me një thirrje për mbrojtjen e të drejtave të shqiptarëve në Maqedoninë e Veriut. Ai theksoi se të gjithë shqiptarët duhet të bëhen bashkë për mbrojtjen e këtyre të drejtave të arritura më herët.

Lidhur me procesin e integrimit, Abazoviç u shpreh se ardhmëria e të gjitha vendeve të Ballkanit Perëndimor është në Bashkimin Europian.

“Unë mendoj se sot po bëjmë atë që duhet. Sot jemi së bashku, po diskutojmë tema që kanë të bëjnë me diasporën. Nëse nga ky samit niset një mesazh unik, është se duhet të jemi në mbrojtjtje të të drejtave tona. Dua të nis një mesazh që lidhet me Maqedoninë e Veriut se të gjithë duhet të mbështesim shqiptarët në mbrojtjen e të drejtave që janë arritur. Duhet të jemi unikë të tregojmë se është e papranueshme të ecim mbrapa dhe duhet të marrim masa se si duhet të mbrohen këto të drejta.

Besoj se në lidhje me anëtarësimin, në këtë moment Mali i Zi është pak në avantazh, por besoj se Ferit Hoxha dhe skuadra e tij do të na arrijnë. Por pa marrë parasysh se kush shkon më përpara, ne duhet të frymëzojmë njëri-tjetrin. Duhet më shumë të ulemi të githë së bashku edhe për ekonominë, kulturën dhe fusha të tjera. Duhet të çohemi të gjithë së bashku të kemi respekt për njëri-tjetrin. Pa shqiptarët në rajon nuk ka progres. Ardhmëria e të gjithë neve është në Bashkimin Europian. Dhe të gjithë këta që kanë ardhur nga vendet e tjera duhet të dinë se mund të rikthehen në Shqipëri, Malin e Zi dhe gjithë vendet e Ballkanit Perëndimor”, është shprehur Abazoviç. /CNA





19:53 Politikë

Opozitë me ChatGPT?!

Këtë të hënë, në selinë blu u zhvillua mbledhja e Kolegjit...

Lajmet e fundit nga