"Anëtarësimi brenda 2030, përmbyllja e një rrugëtimi"/ Rama: Shqipëria, rrugë e hapur mundësish

14 Prill 2026, 10:26, Politikë CNA

"Anëtarësimi brenda 2030, përmbyllja e një

Kryeministri Edi Rama është shprehur gjatë fjalës së tij se sot Shqipëria është gati për t'u bërë pjesë e Bashkimit Europian.

Rama tha se kjo është arritur përmes reformave, që kanë bërë gjithashtu që “sistemi i drejtësisë në vend të jetë më i pavarur se kurrë”.

Ndër të tjera shtoi se objektivi i anëtarësimit të Shqipërisë në BE brenda vitit 2030, është përmbyllja e një rrugëtimi. Ai theksoi gjithashtu se sot Shqipëria është tashmë një vend mundësish të dukshme për çdokënd.

“Drejtësia nuk ka qenë kurrë më e pavarur se sot. Shqipërisë i mbyllej dera e negociatave, sot kemi çelur të gjithë kapitujt në një kohë rekord, sepse njësoj si juve kur ju mbyllej dera në fytyrë në rrugët e botës dhe askush nuk kishte kohë dhe respekt për të kuptuar se sa vlenit, por ju këmbëngulnit për të qenë gati për derën kur të hapej, edhe Shqipëria kembënguli dhe ishte gati për derën kur u hap.

Në samitin e parë e ardhmja europiane ishte aspiratë që mbetej larg, sot është një tryezë ku jemi ulur ne dhe Komisioni Europian me ambicien e përbashkët për të mbyllur negociatat deri në fund të 2027. Shqipëria do të bëhet. Fan Noli na kujtonte se Shqipëria nuk mund të rrojë pa shqiptarët e saj. Ndërsa Shqipëria është shumë pranë Europës, kjo fjalë merr një forcë dhe kuptim të posaçëm. Pikërisht këtu qëndron ndryshimi i kësaj dekade. Falë reformave kemi kaluar nga një Shqipëri që përpiqej të mbijetonte në një Shqipëri që përpiqet të përmirësohet.

Kemi kaluar në Shqipëri që respektohet si kurrë më parë në arenën ndërkombëtare. Është një vend që ndryshon çdo ditë dhe ecën vetëm përpara. Shqipëria2030 në BE është përmbyllja e një rrugëtimi që shumë prej jush e kanë jetuar në jetët e tyre. Ju e dini çfarë do të thotë të jetosh në sisteme ku funksionojnë dhe ku sundimi i ligjit është mënyrë të jetuari. Ju e dini që kjo rrugë nuk është pa sfida, çfarë ju keni kaluar është një mësim i paharrueshëm.

Asnjë transformim i madh nuk mund të jetë pa hequr të tëra në kurriz. Do të ketë zhgënjime apo momente që duket sikur asgjë nuk ia vlen. Asnjë rrugë suksesi nuk ndërtohet përmes rehatisë. E bukura sot është që Shqipëria mund të jetë. Është një rrugë e hapur dhe e dukshme mundësish për të gjithë”, u shpreh kreu i qeverisë. /CNA