E fundit!

08:16 Aktualitet

Zjarr në fushën e mbetjeve në Krujë/ Tymi toksik përfshin zonën

Fusha e mbetjeve në Krujë është përfshirë nga flakët që ng...

Opozitë me ChatGPT?!

13 Prill 2026, 19:53, Politikë CNA

Këtë të hënë, në selinë blu u zhvillua mbledhja e Kolegjit të Kryetarëve, drejtuar nga Kryetari i Partisë Demokratike, Sali Berisha.

Dy skenarët për opozitën nga zgjedhjet në Partinë Demokratike
17 Mars, 15:57

Në fjalën e gjatë që mbajti para demokratëve të pranishëm, Berisha u ndal në një sërë problematikash, ndërsa u la edhe një porosi të pazakontë.

Sipas Berishës, anëtarët e PD-së duhet të shkarkojnë në celularët e tyre aplikacionet që përdorin Inteligjencën Artificiale, si ChatGPT, Cloud dhe Gemini.

Në optikën e kryedemokratit, këto aplikacione do t’u japin një ndihmë të jashtëzakonshme për të kundërshtuar ato që cilësoi si propagandë dhe trillime të mazhorancës socialiste.

“Duhet të shkarkoni të gjitha AI-të. T'i shkarkoni, t'i keni në celular. ChatGPT-në, Grok dhe Gemini. Ka nevojë. Ka një saktësi që rritet gjithnjë e më shumë. Sigurisht që ndonjëherë kanë halucinacione. Por ama ndihma e tyre është e jashtëzakonshme. Ato aplikacione duhet t'i keni, në mënyrë që të kundërshtoni propagandën e shpifur, trillimet që bën”,- u shpreh Berisha.

Por a duhet të bëhet opozitë përmes IA-së, në një kohë kur Partia Demokratike, si partia e dytë politike më e madhe në Shqipëri, që ka qeverisur vendin në periudha të caktuara dhe mbi të gjitha, pretendohet të ketë reagim të fortë politik?

Si mund të kundërshtohet propaganda me aplikacione, megjithëse janë një mjet i kohës dhe mbi të gjitha, si mund të bëhet opozitë me ChatGPT nga një parti që synon të jetë alternativë qeverisëse?!

Të ikë Saliu!
25 Shkurt, 21:06

Në një vështrim retrospektiv, duket sikur demokratët “bien brenda me këmbët e tyre” sa i përket ndihmës që vjen nga Inteligjenca Artificiale në politikë, pasi ishin të parët nga opozita që dolën kundër Diellës, Ministres së Prokurimeve Publike të krijuar me IA, prezantuar për herë të parë si risi në qeverinë “Rama 4”.

Opozitë që dëbon vlerat
2 Tetor, 13:42

Mbase deklarata e Berishës ishte një kërkesë e nxituar, pasi pavarësisht ndihmës së madhe që vjen nga teknologjia, Inteligjenca Artificiale kërcënon besimin publik përballë votuesve dhe nuk mund të formësojë strategjinë politike të partisë më të madhe opozitare në vend.

Nëse opozita është katandisur deri aty sa të drejtohet nga ChatGPT dhe IA, ndoshta është koha për një reflektim./CNA