web counter
LEXO PA REKLAMA!

SHKARKO APP

App Store
Google Play

Salianji vazhdon misionin në shërbim të Ramës/ “Të ikë Berisha, unë kryetar i PD-së”

18 Shkurt 2026, 19:50, Politikë CNA

Salianji vazhdon misionin në shërbim të Ramës/

Ervin Salianji, i njohur ndryshe edhe si “Babalja”, po vijon me të gjitha mënyra misionin që ka ndërmarrë prej kohësh për t’i shërbyer kryeministrit Edi Rama.

Në një takim të zhvilluar në qytetin e Beratit, Salianji i përmendi nga distanca kryedemokratit Sali Berisha statutin e PD-së, që sipas tij kërkon dorëheqjen e drejtuesit kur partia nuk del forcë fituese në zgjedhje.

Salianji, që ka dashur ta shfaqë veten vazhdimisht së fundi si “shpëtimtar” i PD-së, duket se ka shprehur pretendimin për ta bërë vetë PD-në fituese.

“Ka humbës që bëhen deputetë që nga viti 1996. Ndërkohë, ne kemi pasur edhe raste suksesi, madje edhe në zona tradicionalisht të majta, ku prej 20 vitesh PD nuk fiton, si Kruja dhe Fushë-Kruja. Por a kemi folur ndonjëherë për këto raste? Ne kemi sanksionuar në statut që, nëse partia nuk arrin të jetë forcë fituese, nuk ka justifikime: kryetari dorëhiqet dhe i hap rrugë një gare tjetër, për ta bërë PD-në fituese. Pse para tre muajsh isha hero, ndërsa sot, që them të vërteta dhe nuk bëhem pjesë e klubit të humbësve, qenkam problematik dhe takimet i organizon krimi? Demokratët duan garë dhe ndershmëri. Kushdo që e ka ndërtuar karrierën mbi punën dhe meritën e vet, kërkon garë të ndershme. Nuk më keqpërdor dot as Rama, as Berisha”,-tha Salianji./CNA





Lajmet e fundit nga