web counter
LEXO PA REKLAMA!

SHKARKO APP

App Store
Google Play

E fundit!

x

Ministeriali i Korridorit VIII/ Ministri i Jashtëm italian: Do të bëjmë maksimumin që Shqipëria të bëhet pjesë e BE-së

18 Shkurt 2026, 10:55, Politikë CNA

Ministeriali i Korridorit VIII/ Ministri i Jashtëm italian: Do të

Zëvendëskryeministri dhe ministri i Jashtëm italian, Antonio Tajani, ka qenë i pranishëm ditën e sotme në ministerialin e Korridorit VIII.

Në fjalën e mbajtur, Tajani deklaroi se edhe për italianët korridori i VIII është zgjedhje politike. Ministri i Jashtëm italian deklaroi se Italia do të bëjë maksimumin për ta ndihmuar Shqipërinë të bëhet pjesë e Bashkimit Europian.

Më tej, ai tha se korridori i VIII-të është përparësi e përbashkët strategjike për ekonomitë. Përfundimi i korridorit VIII, tha Tajani, është objektiv kyç sigurie.  

“Jam dakord me ju se dhe për italianë korridori VIII nuk është vetëm zgjedhje teknike, është zgjedhje politike se kjo pjesë e strategjisë sonë për bashkimin e Ballkanit, është përparësi strategjike për qeverinë italiane, do të bëjmë maksimumin t’ju ndihmojmë që të bëheni pjesë e BE-së dhe jam i qartë për Ballkanin Perëndimor. Më 30 mars do të kemi një grup të miqve të Ballkanit për të afirmuar mbështetjen për bashkimin e rajonit.

 

Deklarata e përbashkët që do të miratojmë, do të përçojë mesazh të fuqishëm, korridori 8 është përparësi e përbashkët strategjike për ekonomitë tona. Jemi të angazhuar për të hedhur hapa konkretë për realizimin e tij. Është kryesor për tregtinë, për Italinë tregtia është pak a shumë 40% e PBB sonë. Objektivi ynë është të rrisim eksportet, për këtë do të punojmë fort. Potenciali për aktivitet ekonomik mes Adriatikut dhe Ballkanit është i jashtëzakonshëm.

 

Sot më shumë se kurrë, përfundimi i Korridorit VIII është objektiv kyç sigurie, është instrument për të forcuar shtyllën europiane të NATO-s, nëse duam të jemi më të rëndësishëm, nëse duam të flasim me amerikanët në të njëjtin nivel na duhet të forcojmë shtyllën europiane të NATO-s”, tha Tajani.





Lajmet e fundit nga