web counter
LEXO PA REKLAMA!

SHKARKO APP

App Store
Google Play

“Çështja po bëhet qesharake”/ Shehaj: Erdhi dita që Rama të ndihet i rrezikuar, po përdor mandatet

16 Shkurt 2026, 22:37, Politikë CNA

“Çështja po bëhet qesharake”/ Shehaj: Erdhi dita

Deputeti dhe kreu i Partisë Mundësia, Agron Shehaj u shpreh sot se është zhvillim pozitiv fakti që kryeministri Edi Rama po ndihet i rrezikuar, gjë që e çoi në propozimin për ndryshimin e Kodi të Procedurës Penale.

I ftuar në “Të paekspozuarit”, Shehaj tha se Rama synon të jetë i paprekshëm, duke e bërë çështjen qesharake dhe për këtë po përdor 86 mandatet që ka në dorë.

“Çështja po bëhet qesharake. Rama synon të jetë i paprekshëm. Ajo që e ka shqetësuar Ramën shumë, nuk bën gjë tjetër veçse sulmon drejtësinë, pezullimi është i parashikuar në ligj.

Kushdo përveç të zgjedhurve, të gjithë të tjerët mund të pezullohen. Tani Rama pse po përdor ato 86 mandate? Është shqetësuar për demokracinë në vend? Apo për fatin e tij? Pas pezullimit të Ballukut mund të pezullohet Rama. Kjo nuk është fatkeqësi, shyqyr që erdhi dita që një kryeministër mund të pezullohet. Shyqyr Zotit që erdhi dita që kryeministri i Shqipërisë të ndihet i rrezikuar dhe ai ndihet i rrezikuar. Sulmet që Rama po i bën drejtësisë janë të paprecedenta.

Përse e mblodhi grupin parlamentar? Është shqetësuar për ne? Për vete është shqetësuar. Pse po sulmon Rama çdo ditë drejtësinë? I quajti qen dhe minj”,-tha Shehaj./CNA





Lajmet e fundit nga