web counter
LEXO PA REKLAMA!

SHKARKO APP

App Store
Google Play

“Varet nga reagimi i opozitës”/ Fevziu: Rama e ka nisur mandatin e katërt shumë më keq seç e priste

16 Shkurt 2026, 21:42, Politikë CNA

“Varet nga reagimi i opozitës”/ Fevziu: Rama e ka nisur

Gazetari Blendi Fevziu tha sot se kryeministri Edi Rama e nisur mandatin e katërt shumë më keq seç e priste edhe vetë.

I ftuar në emisionin “Të paekspozuarit”, Fevziu u ndal te disa çështje nga politika e kohëve të fundit që kanë bërë bujë, që sipas tij i kanë dhënë Ramës një goditje shumë të fortë.

Sipas gazetarit, kryeminsitri është në pozitë shumë delikate, por këtu varet edhe si duhet të reagojë opozita.

“Rama ka nisur përplasje me SPAK, është evidente. Mbërritja e SPAK në derën e Balluku, trokitja te Balluku është trokitje në paradhomën e KM. Zgjidhja do të ishte që GJK të mos zgjidhte vetëm rastin konkret, edhe pse këtu ka diskutim, por GJK duhet ta interpretonte nëse një ministër pezullohet dot ose jo nga SPAK. Nëse GJK do të merrte vendim në këtë drejtim, do të ishte më mirë. Rama përfitoi nga kjo gjë, ju jep një lloj imuniteti, që ndalon SPAK t’i pezullojë. 
Nuk e di nëse po e bën Rama këtë për të garantuar veten dhe ministrat, apo tentativë për të rikthyer në kabinet Ballukun. Edhe konstitucionalistët këtu ndahen në dysh. Balluku duhet të lëshojë zyrën pas GJK, por me bërjen e ligjit të ri, Balluku do shkojë sërish në GJK, pasi ligji i ri rrëzon pezullimin si koncept. Por mendohet se në një moment të caktuar, frika e politikës, është se SPAK ka mbështetje ndërkombëtare dhe frika është, po sikur SPAK të vendosë të pezullojë Ramën nga kryeministër?
Nuk ka në vend demokratik dhe botë të civilizuar, të kesh akuzë zyrtare dhe të rrish në detyrë. Është normë demokratike, dorëzon detyrën. Në Shqipëri, a e dorëzoi Meta detyrën? Po Mediu për Gërdecin? A e dorëzoi Rusmali kur pati një përgjim që qarkulloi? Pra ka një standard. Sot Reuters kishte një artikull delikat. Pasi ndodhi propozimi i ndryshimeve, dhe Reuters nuk është pa punë të merret me këtë gjë. Skandali i AKSH-it shumë i madh. Rama ka marrë goditje shumë të forta. Do të varet sa do të jetë drejtësia e aftë ti vërtetojë. Sa do të jetë drejtësia të bindë gjykatën dhe Rama e ka nisur mandatin e katërt shumë më keq seç e priste edhe ai vetë. Sot mendoj se është në pozitë shumë delikate Rama, por këtu varet edhe si duhet të reagojë opozita”,-tha Fevziu./CNA





Lajmet e fundit nga