web counter
LEXO PA REKLAMA!

SHKARKO APP

App Store
Google Play

Nisma ligjore e PS-së/ Berisha: Rama kërkon të asgjësojë drejtësinë

16 Shkurt 2026, 12:50, Politikë CNA

Nisma ligjore e PS-së/ Berisha: Rama kërkon të

Kryetari i Partisë Demokratike, Sali Berisha, ka zhvilluar sot një konferencë për mediat në selinë blu. Berisha ka komentuar nismën ligjore të propozuar nga Partia Socialiste, të cilën tha se këtë e bën kryeministri Edi Rama për të mbrojtur veten e tij.

Sipas tij, kjo nismë është asgjësim i sistemit të drejtësisë. Ndër të tjera, kryedemokrati u shpreh se beteja e vetme e opozitës dhe shqiptarëve është kundër kreut të qeverisë.

“Dorëheqja e Edi Ramës është kushti i të gjitha kushteve për t’i hapur rrugën zgjidhjes së udhëkryqit më të rrezikshëm në të cilit ndodhet Shqipëria në tërë kohërat e saj. Dorëheqja e këtij armiku të rrezikshëm të paqes, stabilitetit, qenies, rendit, sigurisë së shqiptarëve, është kushti më themelor për zgjidhjen e kësaj krize që po përpin vendin çdo ditë e më shumë.

Edi Rama, për të mbrojtur krimet e tij monstruoze, për të mbrojtur vjedhjet e tij të pallogaritshme, po kalon në veprimtari të tjera, në asgjësimin e sistemit të drejtësisë, në miratimin e ligjeve për të mbrojtur veten e tij dhe bandën e tij plaçkitëse në qeveri. Amendamentet që kërkon të sjellë pas reagimit të fuqishëm dhe kartonit të zi që i nxorën në Bruksel, janë amendamente që kanë si qëllim kryesor të mbrojnë personin Edi Rama dhe anëtarët e organizatës së tij kriminale. Pezullimi i zyrtarëve nga detyra për keqbërjen e tyre ndaj qytetarëve, është një nen, është një ligj, është një e drejtë ligjore kushtetuese e prokurorisë, e institucionit të akuzës së çdo vendi.

Pezullimi i zyrtarëve nga detyra për keqbërjen e tyre ndaj qytetarëve është një nen, është një ligj, është një e drejtë ligjore kushtetuese e prokurorisë, e institucionit të akuzës të çdo vendi. Është një e drejtë që ligjvënësit u kanë njohur prokurorëve dhe gjykatësve për të mbrojtur interesat e qytetarëve nga keqbërësit zyrtarë të lartë.

Është një e drejtë e institucionit të akuzës dhe gjykatave, e sanksionuar edhe në opinionin e Komisionit të Venecias për Kodin e Procedurës Penale të Kosovës, konkretisht nenit korrespondues të nenit 224 të Kodit të Procedurës Penale të Shqipërisë. Pezullimi në mënyrë absolute nuk nënkupton pezullimin e asnjë funksioni. Pezullimi synon mbrojtjen e institucioneve dhe legjitimitetit të tyre. Kjo po ndodh nga një kryehajdut që ka qindra firma për plaçkitje dhe grabitje të taksave dhe të pasurive publike. Edi Ramës i ka ardhur fundi. Beteja e opozitës dhe e shqiptarëve është personalisht kundër Edi Ramës, autorit të narkoshtetit. Qytetarët mbushin rrugët dhe sheshet vetëm për Edi Ramën. Duan që ai të largohet menjëherë nga posti i kryeministrit si uzurpator”, tha Berisha. /CNA





Lajmet e fundit nga