web counter
LEXO PA REKLAMA!

SHKARKO APP

App Store
Google Play

E fundit!

x

Cilat janë lëvizjet e furishme të Ramës në javët e fundit

14 Shkurt 2026, 13:29, Politikë CNA

Cilat janë lëvizjet e furishme të Ramës në javët e

CNA raportoi ditën e sotme se kryeministri Edi Rama po "shkartis" qeverinë e tij pas 5 muajsh nga formimi i saj më 11 shtator 2025.

Burime zyrtare thanë për CNA se priten ndryshime në disa ministri të rëndësishme.

Ministria e Infrastrukturës dhe Energjisë, e cila, sipas burimeve zyrtare të siguruara nga CNA, pritet të ndahet në dy institucione, në dy ministri të ndryshme: Infrastruktura dhe Energjetika.

Lëvizje priten edhe në Ministrinë e Drejtësisë, Ministrinë e Brendshme dhe disa ministri të tjera, nga të cilat kryeministri ka pasur pritshmëri, të cilat nuk i janë përmbushur.

Albana Koçiu, ministrja e “Monopatinave”, mund të largohet, ndërsa Besfort Lamallari, ministri i Drejtësisë, pritet të marrë një detyrë tjetër.

Një nga emrat më të përfolur për post të rëndësishëm është Erald Jonuzaj, drejtori juridik i Kryeministrisë, i cili mund të bëhet pjesë e kabinetit të ri.

Burimet për CNA bënë me dije se ndryshimet pritet të shpallen pas një mbledhjeje të Asamblesë së Partisë Socialiste, një praktikë e zakonshme e kryeministrit Rama gjatë riorganizimeve të kabinetit.

Kjo do të shënojë një tjetër “shkartisje” të qeverisë Rama, e cila qëndron në pushtet prej 13 vjetësh, me lëvizje të shpeshta dhe ndryshime strategjike në kabinetin e saj.

Këto janë lëvizjet e reja që Rama do të bëjë në qeverinë e tij, ndërsa këto ndryshime pasohen nga të tjera shkarkime dhe emërime që janë bërë vetëm në javët e fundit.

Për çdo javë ka një apo dy emra të rinj në institucione.

Vetëm një ditë më parë u largua nga detyra një nga besnikët e Ramës, krahu i tij i djathtë, që prej 13 vitesh ka mbajtur postin e Sekretarit të Përgjithshëm të Këshillit të Ministrave, Ëngjëll Agaçi, ndaj të cilit ka pasur shumë akuza për afera.

Agaçi u zëvendësua nga një tjetër emër, Elsonida Rama, e cila do të mbajë detyrën si Sekretare e Përgjithshme e Këshillit të Ministrave.

Një tjetër ndryshim në kabinetin e Kryeministrin ishte Vali Bizhga, e cila u largua nga detyra si shefe e kabinetit dhe u zëvendësua një ditë më parë nga Vilma Guri.

Ndryshimi i radhës ishte edhe emërimi i Erlind Sulos si zëvendësministër i Infrastrukturës dhe Energjisë në 21 janar të 2026-ës.

Po ashtu pati lëvizje edhe në institucione të rëndësishme si AKSHI.

Një ditë më parë, drejtoresha e AKSHI-t, Mirlinda Karçanaj, u shkarkua për shkak të akuzave për abuzime me tenderët, ku në bazë të hetimeve nga SPAK-u ndodhet në masën arrest shtëpie.

Karçanaj u zëvendësua nga Igli Tafa, i cili tashmë është drejtori i ri i AKSHI-t.

Ndryshime të rëndësishme pati dhe në inspektorate, ku u largua nga detyra si kryeinspektor i Përgjithshëm Shkëlqim Hajdari, vendin e të cilit Rama ia besoi “opozitarit” të futur tashmë në mazhorancë, Dashnor Sula, lëvizje që u paralajmërua nga CNA në 15 janar 2026.

Një tjetër lëvizje ishte largimi i Dallëndyshe Bicit si kryeinspektore e IKMT-së, post i cili iu besua së fundi Afrim Qëndros më 12 shkurt 2026.

Ndryshime të furishme pati edhe Prefektura, për të cilat Rama ka kërkuar të reformohen.

Lëvizjet e bujshme ishin emërimi i Shkëlqim Hajdarit si prefekt i Tiranës më 5 shkurt 2026.

Ndryshime pati edhe në Prefekturën e Korçës, ku u largua Nertil Jole dhe u emërua Florinda Zegullaj në 21 janar 2026.

Po ashtu u largua nga detyra edhe Prefekti i Durrësit, Emiljan Jani, dhe në vend të tij qeveria ka emëruar Adrian Gurrën, po në janar.

Gjithashtu nga detyra si drejtor i Bibliotekës Kombëtare është larguar edhe Piro Misha.

Ndryshimet e paralajmëruara nga CNA në qeveri vijnë pas këtyre lëvizjeve të bëra në bllok, javët e fundit njëra pas tjetrës në disa institucione të rëndësishme, të cilat i renditëm më lart.

Tashmë në mbledhjen e Asamblesë së PS-së pritet të shpallen lëvizjet e reja të zbuluara nga CNA, të cilat mund t’i lexoni më poshtë, një praktikë e zakonshme e kryeministrit Rama gjatë riorganizimeve të kabinetit./ CNA





Lajmet e fundit nga